(BHS) Job 25 : 1 וַיַּעַן בִּלְדַּד הַשֻּׁחִי וַיֹּאמַר׃
(BHS) Job 25 : 2 הַמְשֵׁל וָפַחַד עִמֹּו עֹשֶׂה שָׁלֹום בִּמְרֹומָיו׃
(BHS) Job 25 : 3 הֲיֵשׁ מִסְפָּר לִגְדוּדָיו וְעַל־מִי לֹא־יָקוּם אֹורֵהוּ׃
(BHS) Job 25 : 4 וּמַה־יִּצְדַּק אֱנֹושׁ עִם־אֵל וּמַה־יִּזְכֶּה יְלוּד אִשָּׁה׃
(BHS) Job 25 : 5 הֵן עַד־יָרֵחַ וְלֹא יַאֲהִיל וְכֹוכָבִים לֹא־זַכּוּ בְעֵינָיו׃
(BHS) Job 25 : 6 אַף כִּי־אֱנֹושׁ רִמָּה וּבֶן־אָדָם תֹּולֵעָה׃ ף