(BHS) Psalms 126 : 1 שִׁיר הַמַּעֲלֹות בְּשׁוּב יְהוָה אֶת־שִׁיבַת צִיֹּון הָיִינוּ כְּחֹלְמִים׃
(BHS) Psalms 126 : 2 אָז יִמָּלֵא שְׂחֹוק פִּינוּ וּלְשֹׁונֵנוּ רִנָּה אָז יֹאמְרוּ בַגֹּויִם הִגְדִּיל יְהוָה לַעֲשֹׂות עִם־אֵלֶּה׃
(BHS) Psalms 126 : 3 הִגְדִּיל יְהוָה לַעֲשֹׂות עִמָּנוּ הָיִינוּ שְׂמֵחִים׃
(BHS) Psalms 126 : 4 שׁוּבָה יְהוָה אֶת־[כ שְׁבוּתֵנוּ] [ק שְׁבִיתֵנוּ] כַּאֲפִיקִים בַּנֶּגֶב׃
(BHS) Psalms 126 : 5 הַזֹּרְעִים בְּדִמְעָה בְּרִנָּה יִקְצֹרוּ׃
(BHS) Psalms 126 : 6 הָלֹוךְ יֵלֵךְ וּבָכֹה נֹשֵׂא מֶשֶׁךְ־הַזָּרַע בֹּא־יָבֹוא* בְרִנָּה נֹשֵׂא אֲלֻמֹּתָיו׃