(BHSCO) 2 Chronicles 5 : 1 ותשלם כל־המלאכה אשר־עשה שלמה לבית יהוה ס ויבא שלמה את־קדשי דויד אביו ואת־הכסף ואת־הזהב ואת־כל־הכלים נתן באצרות בית האלהים׃ ף
(BHSCO) 2 Chronicles 5 : 2 אז יקהיל שלמה את־זקני ישראל ואת־כל־ראשי המטות נשיאי האבות לבני ישראל אל־ירושלם להעלות את־ארון ברית־יהוה מעיר דויד היא ציון׃
(BHSCO) 2 Chronicles 5 : 3 ויקהלו אל־המלך כל־איש ישראל בחג הוא החדש השבעי׃
(BHSCO) 2 Chronicles 5 : 4 ויבאו כל זקני ישראל וישאו הלוים את־הארון׃
(BHSCO) 2 Chronicles 5 : 5 ויעלו את־הארון ואת־אהל מועד ואת־כל־כלי הקדש אשר באהל העלו אתם הכהנים הלוים׃
(BHSCO) 2 Chronicles 5 : 6 והמלך שלמה וכל־עדת ישראל הנועדים עליו לפני הארון מזבחים צאן ובקר אשר לא־יספרו ולא ימנו מרב׃
(BHSCO) 2 Chronicles 5 : 7 ויביאו הכהנים את־ארון ברית־יהוה אל־מקומו אל־דביר הבית אל־קדש הקדשים אל־תחת כנפי הכרובים׃
(BHSCO) 2 Chronicles 5 : 8 ויהיו הכרובים פרשים כנפים על־מקום הארון ויכסו הכרובים על־הארון ועל־בדיו מלמעלה׃
(BHSCO) 2 Chronicles 5 : 9 ויאריכו הבדים ויראו ראשי הבדים מן־הארון על־פני הדביר ולא יראו החוצה ויהי־שם עד היום הזה׃
(BHSCO) 2 Chronicles 5 : 10 אין בארון רק שני הלחות אשר־נתן משה בחרב אשר כרת יהוה עם־בני ישראל בצאתם ממצרים׃ ף
(BHSCO) 2 Chronicles 5 : 11 ויהי בצאת הכהנים מן־הקדש כי כל־הכהנים הנמצאים התקדשו אין לשמור למחלקות׃
(BHSCO) 2 Chronicles 5 : 12 והלוים המשררים לכלם לאסף להימן לידתון ולבניהם ולאחיהם מלבשים בוץ במצלתים ובנבלים וכנרות עמדים מזרח למזבח ועמהם כהנים למאה ועשרים [כ מחצררים] [ק מחצרים] בחצצרות׃
(BHSCO) 2 Chronicles 5 : 13 ויהי כאחד [כ למחצצרים] [ק למחצרים] ולמשררים להשמיע קול־אחד להלל ולהדות ליהוה וכהרים קול בחצצרות ובמצלתים ובכלי השיר ובהלל ליהוה כי טוב כי לעולם חסדו והבית מלא עןן בית יהוה׃
(BHSCO) 2 Chronicles 5 : 14 ולא־יכלו הכהנים לעמוד לשרת מפני העןן כי־מלא כבוד־יהוה את־בית האלהים׃ ף