(BHSCO) Deuteronomy 27 : 1 ויצו משה וזקני ישראל את־העם לאמר שמר את־כל־המצוה אשר אנכי מצוה אתכם היום׃
(BHSCO) Deuteronomy 27 : 2 והיה ביום אשר תעברו את־הירדן אל־הארץ אשר־יהוה אלהיך נתן לך והקמת לך אבנים גדלות ושדת אתם בשיד׃
(BHSCO) Deuteronomy 27 : 3 וכתבת עליהן את־כל־דברי התורה הזאת בעברך למען אשר תבא אל־הארץ אשר־יהוה אלהיך נתן לך ארץ זבת חלב ודבש כאשר דבר יהוה אלהי־אבתיך לך׃
(BHSCO) Deuteronomy 27 : 4 והיה בעברכם את־הירדן תקימו את־האבנים האלה אשר אנכי מצוה אתכם היום בהר עיבל ושדת אותם בשיד׃
(BHSCO) Deuteronomy 27 : 5 ובנית שם מזבח ליהוה אלהיך מזבח אבנים לא־תניף עליהם ברזל׃
(BHSCO) Deuteronomy 27 : 6 אבנים שלמות תבנה את־מזבח יהוה אלהיך והעלית עליו עולת ליהוה אלהיך׃
(BHSCO) Deuteronomy 27 : 7 וזבחת שלמים ואכלת שם ושמחת לפני יהוה אלהיך׃
(BHSCO) Deuteronomy 27 : 8 וכתבת על־האבנים את־כל־דברי התורה הזאת באר היטב׃ ס
(BHSCO) Deuteronomy 27 : 9 וידבר משה והכהנים הלוים אל כל־ישראל לאמר הסכת ושמע ישראל היום הזה נהיית לעם ליהוה אלהיך׃
(BHSCO) Deuteronomy 27 : 10 ושמעת בקול יהוה אלהיך ועשית את־מצותוq ואת־חקיו אשר אנכי מצוך היום׃ ס
(BHSCO) Deuteronomy 27 : 11 ויצו משה את־העם ביום ההוא לאמר׃
(BHSCO) Deuteronomy 27 : 12 אלה יעמדו לברך את־העם על־הר גרזים בעברכם את־הירדן שמעון ולוי ויהודה ויששכר ויוסף ובנימן׃
(BHSCO) Deuteronomy 27 : 13 ואלה יעמדו על־הקללה בהר עיבל ראובן גד ואשר וזבולן דן ונפתלי׃
(BHSCO) Deuteronomy 27 : 14 וענו הלוים ואמרו אל־כל־איש ישראל קול רם׃ ס
(BHSCO) Deuteronomy 27 : 15 ארור האיש אשר יעשה פסל ומסכה תועבת יהוה מעשה ידי חרש ושם בסתר וענו כל־העם ואמרו אמן׃ ס
(BHSCO) Deuteronomy 27 : 16 ארור מקלה אביו ואמו ואמר כל־העם אמן׃ ס
(BHSCO) Deuteronomy 27 : 17 ארור מסיג גבול רעהו ואמר כל־העם אמן׃ ס
(BHSCO) Deuteronomy 27 : 18 ארור משגה עור בדרך ואמר כל־העם אמן׃ ס
(BHSCO) Deuteronomy 27 : 19 ארור מטה משפט גר־יתום ואלמנה ואמר כל־העם אמן׃ ס
(BHSCO) Deuteronomy 27 : 20 ארור שכב עם־אשת אביו כי גלה כנף אביו ואמר כל־העם אמן׃ ס
(BHSCO) Deuteronomy 27 : 21 ארור שכב עם־כל־בהמה ואמר כל־העם אמן׃ ס
(BHSCO) Deuteronomy 27 : 22 ארור שכב עם־אחתו בת־אביו או בת־אמו ואמר כל־העם אמן׃ ס
(BHSCO) Deuteronomy 27 : 23 ארור שכב עם־חתנתו ואמר כל־העם אמן׃ ס
(BHSCO) Deuteronomy 27 : 24 ארור מכה רעהו בסתר ואמר כל־העם אמן׃ ס
(BHSCO) Deuteronomy 27 : 25 ארור לקח שחד להכות נפש דם נקי ואמר כל־העם אמן׃ ס
(BHSCO) Deuteronomy 27 : 26 ארור אשר לא־יקים את־דברי התורה־הזאת לעשות אותם ואמר כל־העם אמן׃ ף