(BHSCO) Hosea 14 : 1 שובה ישראל עד יהוה אלהיך כי כשלת בעונך׃
(BHSCO) Hosea 14 : 2 קחו עםכם דברים ושובו אל־יהוה אמרו אליו כל־תשא עון וקח־טוב ונשלמה פרים שפתינו׃
(BHSCO) Hosea 14 : 3 אשור לא יושיענו על־סוס לא נרכב ולא־נאמר עוד אלהינו למעשה ידינו אשר־בך ירחם יתום׃
(BHSCO) Hosea 14 : 4 ארפא משובתם אהבם נדבה כי שב אפי ממנו׃
(BHSCO) Hosea 14 : 5 אהיה כטל לישראל יפרח כשושנה ויך שרשיו כלבנון׃
(BHSCO) Hosea 14 : 6 ילכו ינקותיו ויהי כזית הודו וריח לו כלבנון׃
(BHSCO) Hosea 14 : 7 ישבו ישבי בצלו יחיו דגן ויפרחו כגפן זכרו כיין לבנון׃ ס
(BHSCO) Hosea 14 : 8 אפרים מה־לי עוד לעצבים אני עניתי ואשורנו אני כברוש רעןן ממני פריך נמצא׃
(BHSCO) Hosea 14 : 9 מי חכם ויבן אלה נבון וידעם כי־ישרים דרכי יהוה וצדקים ילכו בם ופשעים יכשלו בם׃