(BHSCO) Hosea 3 : 1 ויאמר יהוה אלי עוד לך אהב־אשה אהבת רע ומנאפת כאהבת יהוה את־בני ישראל והם פנים אל־אלהים אחרים ואהבי אשישי ענבים׃
(BHSCO) Hosea 3 : 2 ואכרה לי בחמשה עשר כסף וחמר שערים ולתך שערים׃
(BHSCO) Hosea 3 : 3 ואמר אליה ימים רבים תשבי לי לא תזני ולא תהיי לאיש וגם־אני אליך׃
(BHSCO) Hosea 3 : 4 כי ימים רבים ישבו בני ישראל אין מלך ואין שר ואין זבח ואין מצבה ואין אפוד ותרפים׃
(BHSCO) Hosea 3 : 5 אחר ישבו בני ישראל ובקשו את־יהוה אלהיהם ואת דוד מלכם ופחדו אל־יהוה ואל־טובו באחרית הימים׃ ף