(BHSCO) Isaiah 58 : 1 קרא בגרון אל־תחשך כשופר הרם קולך והגד לעמי פשעם ולבית יעקב חטאתם׃
(BHSCO) Isaiah 58 : 2 ואותי יומ* יום ידרשון ודעת דרכי יחפצון כגוי אשר־צדקה עשה ומשפט אלהיו לא עזב ישאלוני משפטי־צדק קרבת אלהים יחפצון׃
(BHSCO) Isaiah 58 : 3 למה צמנו ולא ראית ענינו נפשנו ולא תדע הן ביום צםכם תמצאו־חפץ וכל־עצביכם תנגשו׃
(BHSCO) Isaiah 58 : 4 הן לריב ומצה תצומו ולהכות באגרף רשע לא־תצומו כיום להשמיע במרום קולכם׃
(BHSCO) Isaiah 58 : 5 הכזה יהיה צום אבחרהו יום ענות אדם נפשו הלכף כאגמן ראשו ושק ואפר יציע הלזה תקרא־צום ויום רצון ליהוה׃
(BHSCO) Isaiah 58 : 6 הלוא זה צום אבחרהו פתח חרצבות רשע התר אגדות* מוטה ושלח רצוצים חפשים וכל־מוטה תנתקו׃
(BHSCO) Isaiah 58 : 7 הלוא פרס לרעב לחמך ועניים מרודים תביא בית כי־תראה ערם וכסיתו ומבשרך לא תתעלם׃
(BHSCO) Isaiah 58 : 8 אז יבקע כשחר אורך וארכתך מהרה תצמח והלך לפניך צדקך כבוד יהוה יאספך׃
(BHSCO) Isaiah 58 : 9 אז תקרא ויהוה יענה תשוע ויאמר הנני אם־תסיר מתוךך מוטה שלח אצבע ודבר־און׃
(BHSCO) Isaiah 58 : 10 ותפק לרעב נפשך ונפש נענה תשביע וזרח בחשך אורך ואפלתך כצהרים׃
(BHSCO) Isaiah 58 : 11 ונחך יהוה תמיד והשביע בצחצחות נפשך ועצמתיך יחליץ והיית כגן רוה וכמוצא מים אשר לא־יכזבו מימיו׃
(BHSCO) Isaiah 58 : 12 ובנו ממך חרבות עולם מוסדי דור־ודור תקוםם וקרא לך גדר פרץ משבב נתיבות לשבת׃
(BHSCO) Isaiah 58 : 13 אם־תשיב משבת רגלך עשות חפציך ביום קדשי וקראת לשבת ענג לקדוש יהוה מכבד וכבדתו מעשות דרכיך ממצוא חפצך ודבר דבר׃
(BHSCO) Isaiah 58 : 14 אז תתענג על־יהוה והרכבתיך על־[כ במותי] [ק במתי] ארץ והאכלתיך נחלת יעקב אביך כי פי יהוה דבר׃ ס