(BHSCO) Isaiah 6 : 1 בשנת־מות המלך עזיהו ואראה את־אדני ישב על־כסא רם ונשא ושוליו מלאים את־ההיכל׃
(BHSCO) Isaiah 6 : 2 שרפים עמדים ממעל לו שש כנפים שש כנפים לאחד בשתים יכסה פניו ובשתים יכסה רגליו ובשתים יעוףף׃
(BHSCO) Isaiah 6 : 3 וקרא זה אל־זה ואמר קדוש קדוש קדוש יהוה צבאות מלא כל־הארץ כבודו׃
(BHSCO) Isaiah 6 : 4 וינעו אמות הספים מקול הקורא והבית ימלא עשן׃
(BHSCO) Isaiah 6 : 5 ואמר אוי־לי כי־נדמיתי כי איש טמא־שפתים אנכי ובתוך עם־טמא שפתים אנכי יושב כי את־המלך יהוה צבאות ראו עיני׃
(BHSCO) Isaiah 6 : 6 ויעף אלי אחד מן־השרפים ובידו רצפה במלקחים לקח מעל המזבח׃
(BHSCO) Isaiah 6 : 7 ויגע על־פי ויאמר הנה נגע זה על־שפתיך וסר עונך וחטאתך תכפר׃
(BHSCO) Isaiah 6 : 8 ואשמע את־קול אדני אמר את־מי אשלח ומי ילך־לנו ואמר הנני שלחני׃
(BHSCO) Isaiah 6 : 9 ויאמר לך ואמרת לעם הזה שמעו שמוע ואל־תבינו וראו ראו ואל־תדעו׃
(BHSCO) Isaiah 6 : 10 השמן לב־העם הזה ואזניו הכבד ועיניו השע פן־יראה בעיניו ובאזניו ישמע ולבבו יבין ושב ורפא לו׃
(BHSCO) Isaiah 6 : 11 ואמר עד־מתי אדני ויאמר עד אשר אם־שאו ערים מאין יושב ובתים מאין אדם והאדמה תשאה שממה׃
(BHSCO) Isaiah 6 : 12 ורחק יהוה את־האדם ורבה העזובה בקרב הארץ׃
(BHSCO) Isaiah 6 : 13 ועוד בה עשריה ושבה והיתה לבער כאלה וכאלון אשר בשלכת מצבת בם זרע קדש מצבתה׃ ף