(BHSCO) Jonah 2 : 1 ויתפלל יונה אל־יהוה אלהיו ממעי הדגה׃
(BHSCO) Jonah 2 : 2 ויאמר קראתי מצרה לי אל־יהוה ויענני מבטן שאול שועתי שמעת קולי׃
(BHSCO) Jonah 2 : 3 ותשליכני מצולה בלבב ימים ונהר יסבבני כל־משבריך וגליך עלי עברו׃
(BHSCO) Jonah 2 : 4 ואני אמרתי נגרשתי מנגד עיניך אך אוסיף להביט אל־היכל קדשך׃
(BHSCO) Jonah 2 : 5 אפפוני מים עד־נפש תהום יסבבני סוף חבוש לראשי׃
(BHSCO) Jonah 2 : 6 לקצבי הרים ירדתי הארץ ברחיה בעדי לעולם ותעל משחת חיי יהוה אלהי׃
(BHSCO) Jonah 2 : 7 בהתעטף עלי נפשי את־יהוה זכרתי ותבוא אליך תפלתי אל־היכל קדשך׃
(BHSCO) Jonah 2 : 8 משמרים הבלי־שוא חסדם יעזבו׃
(BHSCO) Jonah 2 : 9 ואני בקול תודה אזבחה־לך אשר נדרתי אשלמה ישועתה ליהוה׃ ס
(BHSCO) Jonah 2 : 10 ויאמר יהוה לדג ויקא את־יונה אל־היבשה׃ ף