(BHSCO) Judges 20 : 1 ויצאו כל־בני ישראל ותקהל העדה כאיש אחד למדן ועד־באר שבע וארץ הגלעד אל־יהוה המצפה׃
(BHSCO) Judges 20 : 2 ויתיצבו פנות כל־העם כל שבטי ישראל בקהל עם האלהים ארבע מאות אלף איש רגלי שלף חרב׃ ף
(BHSCO) Judges 20 : 3 וישמעו בני בנימן כי־עלו בני־ישראל המצפה ויאמרו בני ישראל דברו איכה נהיתה הרעה הזאת׃
(BHSCO) Judges 20 : 4 ויען האיש הלוי איש האשה הנרצחה ויאמר הגבעתה אשר לבנימן באתי אני ופילגשי ללון׃
(BHSCO) Judges 20 : 5 ויקמו עלי בעלי הגבעה ויסבו עלי את־הבית לילה אותי דמו להרג ואת־פילגשי ענו ותמת׃
(BHSCO) Judges 20 : 6 ואחז בפילגשי ואנתחה ואשלחה בכל־שדה נחלת ישראל כי עשו זמה ונבלה בישראל׃
(BHSCO) Judges 20 : 7 הנה כלכם בני ישראל הבו לכם דבר ועצה הלם׃
(BHSCO) Judges 20 : 8 ויקם כל־העם כאיש אחד לאמר לא נלך איש לאהלו ולא נסור איש לביתו׃
(BHSCO) Judges 20 : 9 ועתה זה הדבר אשר נעשה לגבעה עליה בגורל׃
(BHSCO) Judges 20 : 10 ולקחנו עשרה אנשים למאה לכל שבטי ישראל ומאה לאלף ואלף לרבבה לקחת צדה לעם לעשות לבואם לגבע בנימן ככל־הנבלה אשר עשה בישראל׃
(BHSCO) Judges 20 : 11 ויאסף כל־איש ישראל אל־העיר כאיש אחד חברים׃ ף
(BHSCO) Judges 20 : 12 וישלחו שבטי ישראל אנשים בכל־שבטי בנימן לאמר מה הרעה הזאת אשר נהיתה בכם׃
(BHSCO) Judges 20 : 13 ועתה תנו את־האנשים בני־בליעל אשר בגבעה ונמיתם ונבערה רעה מישראל ולא אבו [כ זז] [ק בניa] בנימן לשמע בקול אחיהם בני־ישראל׃
(BHSCO) Judges 20 : 14 ויאספו בני־בנימן מן־הערים הגבעתה לצאת למלחמה עם־בני ישראל׃
(BHSCO) Judges 20 : 15 ויתפקדו בני בנימן ביום ההוא מהערים עשרים וששה אלף איש שלף חרב לבד מישבי הגבעה התפקדו שבע מאות איש בחור׃
(BHSCO) Judges 20 : 16 מכל העם הזה שבע מאות איש בחור אטר יד־ימינו כל־זה קלע באבן אל־השערה ולא יחטא׃ ף
(BHSCO) Judges 20 : 17 ואיש ישראל התפקדו לבד מבנימן ארבע מאות אלף איש שלף חרב כל־זה איש מלחמה׃
(BHSCO) Judges 20 : 18 ויקמו ויעלו בית־אל וישאלו באלהים ויאמרו בני ישראל מי יעלה־לנו בתחלה למלחמה עם־בני בנימן ויאמר יהוה יהודה בתחלה׃
(BHSCO) Judges 20 : 19 ויקומו בני־ישראל בבקר ויחנו על־הגבעה׃ ף
(BHSCO) Judges 20 : 20 ויצא איש ישראל למלחמה עם־בנימן ויערכו אתם איש־ישראל מלחמה אל־הגבעה׃
(BHSCO) Judges 20 : 21 ויצאו בני־בנימן מן־הגבעה וישחיתו בישראל ביום ההוא שנים ועשרים אלף איש ארצה׃
(BHSCO) Judges 20 : 22 ויתחזק העם איש ישראל ויספו לערך מלחמה במקום אשר־ערכו שם ביום הראשון׃
(BHSCO) Judges 20 : 23 ויעלו בני־ישראל ויבכו לפני־יהוה עד־הערב וישאלו ביהוה לאמר האוסיף לגשת למלחמה עם־בני בנימן אחי ויאמר יהוה עלו אליו׃ ף
(BHSCO) Judges 20 : 24 ויקרבו בני־ישראל אל־בני בנימן ביום השני׃
(BHSCO) Judges 20 : 25 ויצא בנימן לקראתם מן־הגבעה ביום השני וישחיתו בבני ישראל עוד שמנת עשר אלף איש ארצה כל־אלה שלפי חרב׃
(BHSCO) Judges 20 : 26 ויעלו כל־בני ישראל וכל־העם ויבאו בית־אל ויבכו וישבו שם לפני יהוה ויצומו ביום־ההוא עד־הערב ויעלו עלות ושלמים לפני יהוה׃
(BHSCO) Judges 20 : 27 וישאלו בני־ישראל ביהוה ושם ארון ברית האלהים בימים ההם׃
(BHSCO) Judges 20 : 28 ופינחס בן־אלעזר בן־אהרן עמד לפניו בימים ההם לאמר האוסף עוד לצאת למלחמה עם־בני־בנימן אחי אם־אחדל ויאמר יהוה עלו כי מחר אתננו בידך׃
(BHSCO) Judges 20 : 29 וישם ישראל ארבים אל־הגבעה סביב׃ ף
(BHSCO) Judges 20 : 30 ויעלו בני־ישראל אל־בני בנימן ביום השלישי ויערכו אל־הגבעה כפעם בפעם׃
(BHSCO) Judges 20 : 31 ויצאו בני־בנימן לקראת העם הנתקו מן־העיר ויחלו להכות מהעם חללים כפעם בפעם במסלות אשר אחת עלה בית־אל ואחת גבעתה בשדה כשלשים איש בישראל׃
(BHSCO) Judges 20 : 32 ויאמרו בני בנימן נגפים הם לפנינו כבראשנה ובני ישראל אמרו ננוסה ונתקנהו מן־העיר אל־המסלות׃
(BHSCO) Judges 20 : 33 וכל איש ישראל קמו ממקומו ויערכו בבעל תמר וארב ישראל מגיח ממקמו ממערה־גבע׃
(BHSCO) Judges 20 : 34 ויבאו מנגד לגבעה עשרת אלפים איש בחור מכל־ישראל והמלחמה כבדה והם לא ידעו כי־נגעת עליהם הרעה׃ ף
(BHSCO) Judges 20 : 35 ויגף יהוה את־בנימן לפני ישראל וישחיתו בני ישראל בבנימן ביום ההוא עשרים וחמשה אלף ומאה איש כל־אלה שלף חרב׃
(BHSCO) Judges 20 : 36 ויראו בני־בנימן כי נגפו ויתנו איש־ישראל מקום לבנימן כי בטחו אל־הארב אשר שמו אל־הגבעה׃
(BHSCO) Judges 20 : 37 והארב החישו ויפשטו אל־הגבעה וימשך הארב ויך את־כל־העיר לפי־חרב׃
(BHSCO) Judges 20 : 38 והמועד היה לאיש ישראל עם־הארב הרב להעלותם משאת העשן מן־העיר׃
(BHSCO) Judges 20 : 39 ויהפך איש־ישראל במלחמה ובנימן החל להכות חללים באיש־ישראל כשלשים איש כי אמרו אך נגוף נגף הוא לפנינו כמלחמה הראשנה׃
(BHSCO) Judges 20 : 40 והמשאת החלה לעלות מן־העיר עמוד עשן ויפן בנימן אחריו והנה עלה כליל־העיר השמימה׃
(BHSCO) Judges 20 : 41 ואיש ישראל הפך ויבהל איש בנימן כי ראה כי־נגעה עליו הרעה׃
(BHSCO) Judges 20 : 42 ויפנו לפני איש ישראל אל־דרך המדבר והמלחמה הדביקתהו ואשר מהערים משחיתים אותו בתוכו׃
(BHSCO) Judges 20 : 43 כתרו את־בנימן הרדיפהו מנוחה הדריכהו עד נכח הגבעה ממזרח־שמש׃
(BHSCO) Judges 20 : 44 ויפלו מבנימן שמנה־עשר אלף איש את־כל־אלה אנשי־חיל׃
(BHSCO) Judges 20 : 45 ויפנו וינסו המדברה אל־סלע הרמון ויעללהו במסלות חמשת אלפים איש וידביקו אחריו עד־גדעם ויכו ממנו אלפים איש׃
(BHSCO) Judges 20 : 46 ויהי כל־הנפלים מבנימן עשרים וחמשה אלף איש שלף חרב ביום ההוא את־כל־אלה אנשי־חיל׃
(BHSCO) Judges 20 : 47 ויפנו וינסו המדברה אל־סלע הרמון שש מאות איש וישבו בסלע רמון ארבעה חדשים׃
(BHSCO) Judges 20 : 48 ואיש ישראל שבו אל־בני בנימן ויכום לפי־חרב מעיר מתם עד־בהמה עד כל־הנמצא גם כל־הערים הנמצאות שלחו באש׃ ף