(BHSCO) Nehemiah 13 : 1 ביום ההוא נקרא בספר משה באזני העם ונמצא כתוב בו אשר לא־יבוא עמני ומאבי בקהל האלהים עד־עולם׃
(BHSCO) Nehemiah 13 : 2 כי לא קדמו את־בני ישראל בלחם ובמים וישכר עליו את־בלעם לקללו ויהפך אלהינו הקללה לברכה׃
(BHSCO) Nehemiah 13 : 3 ויהי כשמעם את־התורה ויבדילו כל־ערב מישראל׃
(BHSCO) Nehemiah 13 : 4 ולפני מזה אלישיב הכהן נתון בלשכת בית־אלהינו קרוב לטוביה׃
(BHSCO) Nehemiah 13 : 5 ויעש לו לשכה גדולה ושם היו לפנים נתנים את־המנחה הלבונה והכלים ומעשר הדגן התירוש והיצהר מצות הלוים והמשררים והשערים ותרומת הכהנים׃
(BHSCO) Nehemiah 13 : 6 ובכל־זה לא הייתי בירושלם כי בשנת שלשים ושתים לארתחשסתא מלך־בבל באתי אל־המלך ולקץ ימים נשאלתי מן־המלך׃
(BHSCO) Nehemiah 13 : 7 ואבוא לירושלם ואבינה ברעה אשר עשה אלישיב לטוביה לעשות לו נשכה בחצרי בית האלהים׃
(BHSCO) Nehemiah 13 : 8 וירע לי מאד ואשליכה את־כל־כלי בית־טוביה החוץ מן־הלשכה׃
(BHSCO) Nehemiah 13 : 9 ואמרה ויטהרו הלשכות ואשיבה שם כלי בית האלהים את־המנחה והלבונה׃ ף
(BHSCO) Nehemiah 13 : 10 ואדעה כי־מניות* הלוים לא נתנה ויברחו איש־לשדהו הלוים והמשררים עשי המלאכה׃
(BHSCO) Nehemiah 13 : 11 ואריבה את־הסגנים ואמרה מדוע נעזב בית־האלהים ואקבצמ* ואעמדם על־עמדם׃
(BHSCO) Nehemiah 13 : 12 וכל־יהודה הביאו מעשר הדגן והתירוש והיצהר לאוצרות׃
(BHSCO) Nehemiah 13 : 13 ואוצרה על־אוצרות שלמיה הכהן וצדוק הסופר ופדיה מן־הלוים ועל־ידם חןן בן־זכור בן־מתניה כי נאמנים נחשבו ועליהם לחלק לאחיהם׃ ף
(BHSCO) Nehemiah 13 : 14 זכרה־לי אלהי על־זאת ואל־תמח חסדי אשר עשיתי בבית אלהי ובמשמריו׃
(BHSCO) Nehemiah 13 : 15 בימים ההמה ראיתי ביהודה דרכים־גתות* בשבת ומביאים הערמות ועמסים על־החמרים ואף־יין ענבים ותאנים וכל־משא ומביאים ירושלם ביום השבת ואעיד ביום מכרם ציד׃
(BHSCO) Nehemiah 13 : 16 והצרים ישבו בה מביאים דאג וכל־מכר ומכרים בשבת לבני יהודה ובירושלם׃
(BHSCO) Nehemiah 13 : 17 ואריבה את חרי יהודה ואמרה להם מה־הדבר הרע הזה אשר אתם עשים ומחללים את־יום השבת׃
(BHSCO) Nehemiah 13 : 18 הלוא כה עשו אבתיכם ויבא אלהינו עלינו את כל־הרעה הזאת ועל העיר הזאת ואתם מוסיפים חרון על־ישראל לחלל את־השבת׃ ף
(BHSCO) Nehemiah 13 : 19 ויהי כאשר צללו שערי ירושלם לפני השבת ואמרה ויסגרו הדלתות ואמרה אשר לא יפתחום עד אחר השבת ומנערי העמדתי על־השערים לא־יבוא משא ביום השבת׃
(BHSCO) Nehemiah 13 : 20 וילינו הרכלים ומכרי כל־ממכר מחוץ לירושלם פעם ושתים׃
(BHSCO) Nehemiah 13 : 21 ואעידה בהם ואמרה אליהם מדוע אתם לנים נגד החומה אם־תשנו יד אשלח בכם מן־העת ההיא לא־באו בשבת׃ ס
(BHSCO) Nehemiah 13 : 22 ואמרה ללוים אשר יהיו מטהרים ובאים שמרים השערים לקדש את־יום השבת גם־זאת זכרה־לי אלהי וחוסה עלי כרב חסדך׃ ף
(BHSCO) Nehemiah 13 : 23 גם בימים ההם ראיתי את־היהודים השיבו נשים [כ אשדודיות] [ק אשדדיות] [כ עמוניות] [ק עמניות] מואביות׃
(BHSCO) Nehemiah 13 : 24 ובניהם חצי מדבר אשדודית ואינם מכירים לדבר יהודית וכלשון עם ועם׃
(BHSCO) Nehemiah 13 : 25 ואריב עםם ואקללם ואכה מהם אנשים ואמרטם ואשביעם באלהים אם־תתנו בנתיכם לבניהם ואם־תשאו מבנתיהם לבניכם ולכם׃
(BHSCO) Nehemiah 13 : 26 הלוא על־אלה חטא־שלמה מלך ישראל ובגוים הרבים לא־היה מלך כמהו ואהוב לאלהיו היה ויתנהו אלהים מלך על־כל־ישראל גם־אותו החטיאו הנשים הנכריות׃
(BHSCO) Nehemiah 13 : 27 ולכם הנשמע לעשת את כל־הרעה הגדולה הזאת למעל באלהינו להשיב נשים נכריות׃
(BHSCO) Nehemiah 13 : 28 ומבני יוידע בן־אלישיב הכהן הגדול חתן לסנבלט החרני ואבריחהו מעלי׃
(BHSCO) Nehemiah 13 : 29 זכרה להם אלהי על גאלי הכהנה וברית הכהנה והלוים׃
(BHSCO) Nehemiah 13 : 30 וטהרתים מכל־נכר ואעמידה משמרות לכהנים וללוים איש במלאכתו׃
(BHSCO) Nehemiah 13 : 31 ולקרבן העצים בעתים מזמנות ולבכורימ* זכרה־לי אלהי לטובה׃