(BHSCO) Nehemiah 7 : 1 ויהי כאשר נבנתה החומה ואעמיד הדלתות ויפקדו* השוערים והמשררים והלוים׃
(BHSCO) Nehemiah 7 : 2 ואצוה את־חנני אחי ואת־חנניה שר הבירה על־ירושלם כי־הוא כאיש אמת וירא את־האלהים מרבים׃
(BHSCO) Nehemiah 7 : 3 [כ ויאמר] [ק ואמר] להם לא יפתחו שערי ירושלם עד־חם השמש ועד הם עמדים יגיפו הדלתות ואחזו והעמיד משמרות ישבי ירושלם איש במשמרו ואיש נגד ביתו׃
(BHSCO) Nehemiah 7 : 4 והעיר רחבת ידים וגדולה והעם מעט בתוכה ואין בתים בנוים׃
(BHSCO) Nehemiah 7 : 5 ויתן אלהי אל־לבי ואקבצה את־החרים ואת־הסגנים ואת־העם להתיחש ואמצא ספר היחש העולים בראשונה ואמצא כתוב בו׃ ף
(BHSCO) Nehemiah 7 : 6 אלה בני המדינה העלים משבי הגולה אשר הגלה נבוכדנצר מלך בבל וישובו לירושלם וליהודה איש לעירו׃
(BHSCO) Nehemiah 7 : 7 הבאים עם־זרבבל ישוע נחמיה עזריה רעמיה נחמני מרדכי בלשן מספרת בגוי נחום בענה מספר אנשי עם ישראל׃ ס
(BHSCO) Nehemiah 7 : 8 בני פרעש אלפים מאה ושבעים ושנים׃ ס
(BHSCO) Nehemiah 7 : 9 בני שפטיה שלש מאות שבעים ושנים׃ ס
(BHSCO) Nehemiah 7 : 10 בני ארח שש מאות חמשים ושנים׃ ס
(BHSCO) Nehemiah 7 : 11 בני־פחת מואב לבני ישוע ויואב אלפים ושמנה מאות שמנה עשר׃ ס
(BHSCO) Nehemiah 7 : 12 בני עילם אלף מאתים חמשים וארבעה׃ ס
(BHSCO) Nehemiah 7 : 13 בני זתוא שמנה מאות ארבעים וחמשה׃ ס
(BHSCO) Nehemiah 7 : 14 בני זכי שבע מאות וששים׃ ס
(BHSCO) Nehemiah 7 : 15 בני בנוי שש מאות ארבעים ושמנה׃ ס
(BHSCO) Nehemiah 7 : 16 בני בבי שש מאות עשרים ושמנה׃ ס
(BHSCO) Nehemiah 7 : 17 בני עזגד אלפים שלש מאות עשרים ושנים׃ ס
(BHSCO) Nehemiah 7 : 18 בני אדניקם שש מאות ששים ושבעה׃ ס
(BHSCO) Nehemiah 7 : 19 בני בגוי אלפים ששים ושבעה׃ ס
(BHSCO) Nehemiah 7 : 20 בני עדין שש מאות חמשים וחמשה׃ ס
(BHSCO) Nehemiah 7 : 21 בני־אטר לחזקיה תשעים ושמנה׃ ס
(BHSCO) Nehemiah 7 : 22 בני חשם שלש מאות עשרים ושמנה׃ ס
(BHSCO) Nehemiah 7 : 23 בני בצי שלש מאות עשרים וארבעה׃ ס
(BHSCO) Nehemiah 7 : 24 בני חריף מאה שנים עשר׃ ס
(BHSCO) Nehemiah 7 : 25 בני גבעונ* תשעים וחמשה׃ ס
(BHSCO) Nehemiah 7 : 26 אנשי בית־לחם ונטפה מאה שמנים ושמנה׃ ס
(BHSCO) Nehemiah 7 : 27 אנשי ענתות מאה עשרים ושמנה׃ ס
(BHSCO) Nehemiah 7 : 28 אנשי בית־עזמות ארבעים ושנים׃ ס
(BHSCO) Nehemiah 7 : 29 אנשי קרית יערים כפירה ובארות שבע מאות ארבעים ושלשה׃ ס
(BHSCO) Nehemiah 7 : 30 אנשי הרמה וגבע שש מאות עשרים ואחד׃ ס
(BHSCO) Nehemiah 7 : 31 אנשי מכמס מאה ועשרים ושנים׃ ס
(BHSCO) Nehemiah 7 : 32 אנשי בית־אל והעי מאה עשרים ושלשה׃ ס
(BHSCO) Nehemiah 7 : 33 אנשי נבו אחר חמשים ושנים׃ ס
(BHSCO) Nehemiah 7 : 34 בני עילם אחר אלף מאתים חמשים וארבעה׃ ס
(BHSCO) Nehemiah 7 : 35 בני חרם שלש מאות ועשרים׃ ס
(BHSCO) Nehemiah 7 : 36 בני ירחו שלש מאות ארבעים וחמשה׃ ס
(BHSCO) Nehemiah 7 : 37 בני־לד חדיד ואונו שבע מאות ועשרים ואחד׃ ס
(BHSCO) Nehemiah 7 : 38 בני סנאה שלשת אלפים תשע מאות ושלשים׃ ף
(BHSCO) Nehemiah 7 : 39 הכהנים בני ידעיה לבית ישוע תשע מאות שבעים ושלשה׃ ס
(BHSCO) Nehemiah 7 : 40 בני אמר אלף חמשים ושנים׃ ס
(BHSCO) Nehemiah 7 : 41 בני פשחור אלף מאתים ארבעים ושבעה׃ ס
(BHSCO) Nehemiah 7 : 42 בני חרם אלף שבעה עשר׃ ף
(BHSCO) Nehemiah 7 : 43 הלוים בני־ישוע לקדמיאל לבני להודוה שבעים וארבעה׃ ס
(BHSCO) Nehemiah 7 : 44 המשררים בני אסף מאה ארבעים ושמנה׃ ס
(BHSCO) Nehemiah 7 : 45 השערים בני־שלום בני־אטר בני־טלמן בני־עקוב בני חטיטא בני שבי מאה שלשים ושמנה׃ ס
(BHSCO) Nehemiah 7 : 46 הנתינים בני־צחא בני־חשפא בני טבעות׃
(BHSCO) Nehemiah 7 : 47 בני־קירס בני־סיעא בני פדון׃
(BHSCO) Nehemiah 7 : 48 בני־לבנה בני־חגבה בני שלמי׃
(BHSCO) Nehemiah 7 : 49 בני־חןן בני־גדל בני־גחר׃
(BHSCO) Nehemiah 7 : 50 בני־ראיה בני־רצין בני נקודא׃
(BHSCO) Nehemiah 7 : 51 בני־גזם בני־עזא בני פסח׃
(BHSCO) Nehemiah 7 : 52 בני־בסי בני־מעונים בני [כ נפושסים] [ק נפישסים]׃
(BHSCO) Nehemiah 7 : 53 בני־בקבוק בני־חקופא בני חרחור׃
(BHSCO) Nehemiah 7 : 54 בני־בצלית בני־מחידא בני חרשא׃
(BHSCO) Nehemiah 7 : 55 בני־ברקוס בני־סיסרא בני־תמח׃
(BHSCO) Nehemiah 7 : 56 בני נציח בני חטיפא׃
(BHSCO) Nehemiah 7 : 57 בני עבדי שלמה בני־סוטי בני־סופרת בני פרידא׃
(BHSCO) Nehemiah 7 : 58 בני־יעלא בני־דרקון בני גדל׃
(BHSCO) Nehemiah 7 : 59 בני שפטיה בני־חטיל בני פכרת הצביים בני אמון׃
(BHSCO) Nehemiah 7 : 60 כל־הנתינים ובני עבדי שלמה שלש מאות תשעים ושנים׃ ף
(BHSCO) Nehemiah 7 : 61 ואלה העולימ* מתל מלח תל חרשא כרוב אדון ואמר ולא יכלו להגיד בית־אבותם וזרעם אם מישראל הם׃
(BHSCO) Nehemiah 7 : 62 בני־דליה בני־טוביה בני נקודא שש מאות וארבעים ושנים׃ ס
(BHSCO) Nehemiah 7 : 63 ומן־הכהנים בני חביה בני הקוץ בני ברזלי אשר לקח מבנות ברזלי הגלעדי אשה ויקרא על־שםם׃
(BHSCO) Nehemiah 7 : 64 אלה בקשו כתבם המתיחשים ולא נמצא ויגאלו מן־הכהנה׃
(BHSCO) Nehemiah 7 : 65 ויאמר התרשתא להם אשר לא־יאכלו מקדש הקדשים עד עמד הכהן לאורים ותומים׃
(BHSCO) Nehemiah 7 : 66 כל־הקהל כאחד ארבע רבוא אלפים שלש־מאות וששים׃
(BHSCO) Nehemiah 7 : 67 מלבד עבדיהם ואמהתיהם אלה שבעת אלפים שלש מאות שלשים ושבעה ולהם משררים ומשררות מאתים וארבעים וחמשה׃ ס
(BHSCO) Nehemiah 7 : 68 מלבד עבדיהם ואמהתיהם אלה שבעת אלפים שלש מאות שלשים ושבעה ולהם משררים ומשררות מאתים וארבעים וחמשה׃ ס
(BHSCO) Nehemiah 7 : 69 גמלים ארבע מאות שלשים וחמשה ס חמרים ששת אלפים שבע מאות ועשרים׃
(BHSCO) Nehemiah 7 : 70 ומקצת ראשי האבות נתנו למלאכה התרשתא נתן לאוצר זהב דרכמנים אלף מזרקות חמשים כתנות כהנים שלשים וחמש מאות׃
(BHSCO) Nehemiah 7 : 71 ומראשי האבות נתנו לאוצר המלאכה זהב דרכמונים שתי רבות וכסף מנים אלפים ומאתים׃
(BHSCO) Nehemiah 7 : 72 ואשר נתנו שארית העם זהב דרכמונים שתי רבוא וכסף מנים אלפים וכתנת כהנים ששים ושבעה׃ ף
(BHSCO) Nehemiah 7 : 73 וישבו הכהנים והלוים והשוערים והמשררים ומן־העם והנתינים וכל־ישראל בעריהם ויגע החדש השביעי ובני ישראל בעריהם׃