(GSA) Job 13 : 1 ιδου ταυτα εωρακεν μου ο οφθαλμος και ακηκοεν μου το ους
(GSA) Job 13 : 2 και οιδα οσα και υμεις επιστασθε και ουκ ασυνετωτερος ειμι υμων
(GSA) Job 13 : 3 ου μην δε αλλ' εγω προς κυριον λαλησω ελεγξω δε εναντιον αυτου εαν βουληται
(GSA) Job 13 : 4 υμεις δε εστε ιατροι αδικοι και ιαται κακων παντες
(GSA) Job 13 : 5 ειη δε υμιν κωφευσαι και αποβησεται υμιν εις σοφιαν
(GSA) Job 13 : 6 ακουσατε ελεγχον στοματος μου κρισιν δε χειλεων μου προσεχετε
(GSA) Job 13 : 7 ποτερον ουκ εναντι κυριου λαλειτε εναντι δε αυτου φθεγγεσθε δολον
(GSA) Job 13 : 8 η υποστελεισθε υμεις δε αυτοι κριται γενεσθε
(GSA) Job 13 : 9 καλον γε εαν εξιχνιαση υμας ει γαρ τα παντα ποιουντες προστεθησεσθε αυτω
(GSA) Job 13 : 10 ουθεν ηττον ελεγξει υμας ει δε και κρυφη προσωπα θαυμασετε
(GSA) Job 13 : 11 ποτερον ουχι δεινα αυτου στροβησει υμας φοβος δε παρ' αυτου επιπεσειται υμιν
(GSA) Job 13 : 12 αποβησεται δε υμων το αγαυριαμα ισα σποδω το δε σωμα πηλινον
(GSA) Job 13 : 13 κωφευσατε ινα λαλησω και αναπαυσωμαι θυμου
(GSA) Job 13 : 14 αναλαβων τας σαρκας μου τοις οδουσιν ψυχην δε μου θησω εν χειρι
(GSA) Job 13 : 15 εαν με χειρωσηται ο δυναστης επει και ηρκται η μην λαλησω και ελεγξω εναντιον αυτου
(GSA) Job 13 : 16 και τουτο μοι αποβησεται εις σωτηριαν ου γαρ εναντιον αυτου δολος εισελευσεται
(GSA) Job 13 : 17 ακουσατε ακουσατε τα ρηματα μου αναγγελω γαρ υμων ακουοντων
(GSA) Job 13 : 18 ιδου εγω εγγυς ειμι του κριματος μου οιδα εγω οτι δικαιος αναφανουμαι
(GSA) Job 13 : 19 τις γαρ εστιν ο κριθησομενος μοι οτι νυν κωφευσω και εκλειψω
(GSA) Job 13 : 20 δυειν δε μοι χρηση τοτε απο του προσωπου σου ου κρυβησομαι
(GSA) Job 13 : 21 την χειρα απ' εμου απεχου και ο φοβος σου μη με καταπλησσετω
(GSA) Job 13 : 22 ειτα καλεσεις εγω δε σοι υπακουσομαι η λαλησεις εγω δε σοι δωσω ανταποκρισιν
(GSA) Job 13 : 23 ποσαι εισιν αι αμαρτιαι μου και αι ανομιαι μου διδαξον με τινες εισιν
(GSA) Job 13 : 24 δια τι απ' εμου κρυπτη ηγησαι δε με υπεναντιον σοι
(GSA) Job 13 : 25 η ως φυλλον κινουμενον υπο ανεμου ευλαβηθηση η ως χορτω φερομενω υπο πνευματος αντικεισαι μοι
(GSA) Job 13 : 26 οτι κατεγραψας κατ' εμου κακα περιεθηκας δε μοι νεοτητος αμαρτιας
(GSA) Job 13 : 27 εθου δε μου τον ποδα εν κωλυματι εφυλαξας δε μου παντα τα εργα εις δε ριζας των ποδων μου αφικου
(GSA) Job 13 : 28 ο παλαιουται ισα ασκω η ωσπερ ιματιον σητοβρωτον