(GSA) Job 27 : 1 ετι δε προσθεις ιωβ ειπεν τω προοιμιω
(GSA) Job 27 : 2 ζη κυριος ος ουτω με κεκρικεν και ο παντοκρατωρ ο πικρανας μου την ψυχην
(GSA) Job 27 : 3 η μην ετι της πνοης μου ενουσης πνευμα δε θειον το περιον μοι εν ρισιν
(GSA) Job 27 : 4 μη λαλησειν τα χειλη μου ανομα ουδε η ψυχη μου μελετησει αδικα
(GSA) Job 27 : 5 μη μοι ειη δικαιους υμας αποφηναι εως αν αποθανω ου γαρ απαλλαξω μου την ακακιαν
(GSA) Job 27 : 6 δικαιοσυνη δε προσεχων ου μη προωμαι ου γαρ συνοιδα εμαυτω ατοπα πραξας
(GSA) Job 27 : 7 ου μην δε αλλα ειησαν οι εχθροι μου ωσπερ η καταστροφη των ασεβων και οι επ' εμε επανιστανομενοι ωσπερ η απωλεια των παρανομων
(GSA) Job 27 : 8 και τις γαρ εστιν ελπις ασεβει οτι επεχει πεποιθως επι κυριον αρα σωθησεται
(GSA) Job 27 : 9 η την δεησιν αυτου εισακουσεται κυριος η επελθουσης αυτω αναγκης
(GSA) Job 27 : 10 μη εχει τινα παρρησιαν εναντι αυτου η ως επικαλεσαμενου αυτου εισακουσεται αυτου
(GSA) Job 27 : 11 αλλα δη αναγγελω υμιν τι εστιν εν χειρι κυριου α εστιν παρα παντοκρατορι ου ψευσομαι
(GSA) Job 27 : 12 ιδου δη παντες οιδατε οτι κενα κενοις επιβαλλετε
(GSA) Job 27 : 13 αυτη η μερις ανθρωπου ασεβους παρα κυριου κτημα δε δυναστων ελευσεται παρα παντοκρατορος επ' αυτους
(GSA) Job 27 : 14 εαν δε πολλοι γενωνται οι υιοι αυτου εις σφαγην εσονται εαν δε και ανδρωθωσιν προσαιτησουσιν
(GSA) Job 27 : 15 οι δε περιοντες αυτου εν θανατω τελευτησουσιν χηρας δε αυτων ουθεις ελεησει
(GSA) Job 27 : 16 εαν συναγαγη ωσπερ γην αργυριον ισα δε πηλω ετοιμαση χρυσιον
(GSA) Job 27 : 17 ταυτα παντα δικαιοι περιποιησονται τα δε χρηματα αυτου αληθινοι καθεξουσιν
(GSA) Job 27 : 18 απεβη δε ο οικος αυτου ωσπερ σητες και ωσπερ αραχνη
(GSA) Job 27 : 19 πλουσιος κοιμηθεις και ου προσθησει οφθαλμους αυτου διηνοιξεν και ουκ εστιν
(GSA) Job 27 : 20 συνηντησαν αυτω ωσπερ υδωρ αι οδυναι νυκτι δε υφειλατο αυτον γνοφος
(GSA) Job 27 : 21 αναλημψεται αυτον καυσων και απελευσεται και λικμησει αυτον εκ του τοπου αυτου
(GSA) Job 27 : 22 και επιρριψει επ' αυτον και ου φεισεται εκ χειρος αυτου φυγη φευξεται
(GSA) Job 27 : 23 κροτησει επ' αυτου χειρας αυτου και συριει αυτον εκ του τοπου αυτου