(GSA) Job 31 : 1 διαθηκην εθεμην τοις οφθαλμοις μου και ου συνησω επι παρθενον
(GSA) Job 31 : 2 και τι εμερισεν ο θεος απανωθεν και κληρονομια ικανου εξ υψιστων
(GSA) Job 31 : 3 ουχι απωλεια τω αδικω και απαλλοτριωσις τοις ποιουσιν ανομιαν
(GSA) Job 31 : 4 ουχι αυτος οψεται οδον μου και παντα τα διαβηματα μου εξαριθμησεται
(GSA) Job 31 : 5 ει δε ημην πεπορευμενος μετα γελοιαστων ει δε και εσπουδασεν ο πους μου εις δολον
(GSA) Job 31 : 6 ισταιη με αρα εν ζυγω δικαιω οιδεν δε ο κυριος την ακακιαν μου
(GSA) Job 31 : 7 ει εξεκλινεν ο πους μου εκ της οδου ει δε και τω οφθαλμω επηκολουθησεν η καρδια μου ει δε και ταις χερσιν μου ηψαμην δωρων
(GSA) Job 31 : 8 σπειραιμι αρα και αλλοι φαγοισαν αρριζος δε γενοιμην επι γης
(GSA) Job 31 : 9 ει εξηκολουθησεν η καρδια μου γυναικι ανδρος ετερου ει και εγκαθετος εγενομην επι θυραις αυτης
(GSA) Job 31 : 10 αρεσαι αρα και η γυνη μου ετερω τα δε νηπια μου ταπεινωθειη
(GSA) Job 31 : 11 θυμος γαρ οργης ακατασχετος το μιαναι ανδρος γυναικα
(GSA) Job 31 : 12 πυρ γαρ εστιν καιομενον επι παντων των μερων ου δ' αν επελθη εκ ριζων απωλεσεν
(GSA) Job 31 : 13 ει δε και εφαυλισα κριμα θεραποντος μου η θεραπαινης κρινομενων αυτων προς με
(GSA) Job 31 : 14 τι γαρ ποιησω εαν ετασιν μου ποιησηται ο κυριος εαν δε και επισκοπην τινα αποκρισιν ποιησομαι
(GSA) Job 31 : 15 ποτερον ουχ ως και εγω εγενομην εν γαστρι και εκεινοι γεγονασιν γεγοναμεν δε εν τη αυτη κοιλια
(GSA) Job 31 : 16 αδυνατοι δε χρειαν ην ποτ' ειχον ουκ απετυχον χηρας δε τον οφθαλμον ουκ εξετηξα
(GSA) Job 31 : 17 ει δε και τον ψωμον μου εφαγον μονος και ουχι ορφανω μετεδωκα
(GSA) Job 31 : 18 οτι εκ νεοτητος μου εξετρεφον ως πατηρ και εκ γαστρος μητρος μου ωδηγησα
(GSA) Job 31 : 19 ει δε και υπερειδον γυμνον απολλυμενον και ουκ ημφιασα
(GSA) Job 31 : 20 αδυνατοι δε ει μη ευλογησαν με απο δε κουρας αμνων μου εθερμανθησαν οι ωμοι αυτων
(GSA) Job 31 : 21 ει επηρα ορφανω χειρα πεποιθως οτι πολλη μοι βοηθεια περιεστιν
(GSA) Job 31 : 22 αποσταιη αρα ο ωμος μου απο της κλειδος ο δε βραχιων μου απο του αγκωνος μου συντριβειη
(GSA) Job 31 : 23 φοβος γαρ κυριου συνεσχεν με και απο του λημματος αυτου ουχ υποισω
(GSA) Job 31 : 24 ει εταξα χρυσιον ισχυν μου ει δε και λιθω πολυτελει επεποιθησα
(GSA) Job 31 : 25 ει δε και ευφρανθην πολλου πλουτου μοι γενομενου ει δε και επ' αναριθμητοις εθεμην χειρα μου
(GSA) Job 31 : 26 η ουχ ορω μεν ηλιον τον επιφαυσκοντα εκλειποντα σεληνην δε φθινουσαν ου γαρ επ' αυτοις εστιν
(GSA) Job 31 : 27 και ει ηπατηθη λαθρα η καρδια μου ει δε και χειρα μου επιθεις επι στοματι μου εφιλησα
(GSA) Job 31 : 28 και τουτο μοι αρα ανομια η μεγιστη λογισθειη οτι εψευσαμην εναντιον κυριου του υψιστου
(GSA) Job 31 : 29 ει δε και επιχαρης εγενομην πτωματι εχθρων μου και ειπεν η καρδια μου ευγε
(GSA) Job 31 : 30 ακουσαι αρα το ους μου την καταραν μου θρυληθειην δε αρα υπο λαου μου κακουμενος
(GSA) Job 31 : 31 ει δε και πολλακις ειπον αι θεραπαιναι μου τις αν δωη ημιν των σαρκων αυτου πλησθηναι λιαν μου χρηστου οντος
(GSA) Job 31 : 32 εξω δε ουκ ηυλιζετο ξενος η δε θυρα μου παντι ελθοντι ανεωκτο
(GSA) Job 31 : 33 ει δε και αμαρτων ακουσιως εκρυψα την αμαρτιαν μου
(GSA) Job 31 : 34 ου γαρ διετραπην πολυοχλιαν πληθους του μη εξαγορευσαι ενωπιον αυτων ει δε και ειασα αδυνατον εξελθειν θυραν μου κολπω κενω
(GSA) Job 31 : 35 τις δωη ακουοντα μου χειρα δε κυριου ει μη εδεδοικειν συγγραφην δε ην ειχον κατα τινος
(GSA) Job 31 : 36 επ' ωμοις αν περιθεμενος στεφανον ανεγινωσκον
(GSA) Job 31 : 37 και ει μη ρηξας αυτην απεδωκα ουθεν λαβων παρα χρεοφειλετου
(GSA) Job 31 : 38 ει επ' εμοι ποτε η γη εστεναξεν ει δε και οι αυλακες αυτης εκλαυσαν ομοθυμαδον
(GSA) Job 31 : 39 ει δε και την ισχυν αυτης εφαγον μονος ανευ τιμης ει δε και ψυχην κυριου της γης εκβαλων ελυπησα
(GSA) Job 31 : 40 αντι πυρου αρα εξελθοι μοι κνιδη αντι δε κριθης βατος και επαυσατο ιωβ ρημασιν