(GSA) Psalms 38 : 1 ψαλμος τω δαυιδ εις αναμνησιν περι σαββατου (1a) κυριε μη τω θυμω σου ελεγξης με μηδε τη οργη σου παιδευσης με
(GSA) Psalms 38 : 2 οτι τα βελη σου ενεπαγησαν μοι και επεστηρισας επ' εμε την χειρα σου
(GSA) Psalms 38 : 3 ουκ εστιν ιασις εν τη σαρκι μου απο προσωπου της οργης σου ουκ εστιν ειρηνη τοις οστεοις μου απο προσωπου των αμαρτιων μου
(GSA) Psalms 38 : 4 οτι αι ανομιαι μου υπερηραν την κεφαλην μου ωσει φορτιον βαρυ εβαρυνθησαν επ' εμε
(GSA) Psalms 38 : 5 προσωζεσαν και εσαπησαν οι μωλωπες μου απο προσωπου της αφροσυνης μου
(GSA) Psalms 38 : 6 εταλαιπωρησα και κατεκαμφθην εως τελους ολην την ημεραν σκυθρωπαζων επορευομην
(GSA) Psalms 38 : 7 οτι αι ψυαι μου επλησθησαν εμπαιγμων και ουκ εστιν ιασις εν τη σαρκι μου
(GSA) Psalms 38 : 8 εκακωθην και εταπεινωθην εως σφοδρα ωρυομην απο στεναγμου της καρδιας μου
(GSA) Psalms 38 : 9 κυριε εναντιον σου πασα η επιθυμια μου και ο στεναγμος μου απο σου ουκ εκρυβη
(GSA) Psalms 38 : 10 η καρδια μου εταραχθη εγκατελιπεν με η ισχυς μου και το φως των οφθαλμων μου και αυτο ουκ εστιν μετ' εμου
(GSA) Psalms 38 : 11 οι φιλοι μου και οι πλησιον μου εξ εναντιας μου ηγγισαν και εστησαν και οι εγγιστα μου απο μακροθεν εστησαν
(GSA) Psalms 38 : 12 και εξεβιασαντο οι ζητουντες την ψυχην μου και οι ζητουντες τα κακα μοι ελαλησαν ματαιοτητας και δολιοτητας ολην την ημεραν εμελετησαν
(GSA) Psalms 38 : 13 εγω δε ωσει κωφος ουκ ηκουον και ωσει αλαλος ουκ ανοιγων το στομα αυτου
(GSA) Psalms 38 : 14 και εγενομην ωσει ανθρωπος ουκ ακουων και ουκ εχων εν τω στοματι αυτου ελεγμους
(GSA) Psalms 38 : 15 οτι επι σοι κυριε ηλπισα συ εισακουση κυριε ο θεος μου
(GSA) Psalms 38 : 16 οτι ειπα μηποτε επιχαρωσιν μοι οι εχθροι μου και εν τω σαλευθηναι ποδας μου επ' εμε εμεγαλορρημονησαν
(GSA) Psalms 38 : 17 οτι εγω εις μαστιγας ετοιμος και η αλγηδων μου ενωπιον μου δια παντος
(GSA) Psalms 38 : 18 οτι την ανομιαν μου εγω αναγγελω και μεριμνησω υπερ της αμαρτιας μου
(GSA) Psalms 38 : 19 οι δε εχθροι μου ζωσιν και κεκραταιωνται υπερ εμε και επληθυνθησαν οι μισουντες με αδικως
(GSA) Psalms 38 : 20 οι ανταποδιδοντες κακα αντι αγαθων ενδιεβαλλον με επει κατεδιωκον δικαιοσυνην και απερριψαν με τον αγαπητον ωσει νεκρον εβδελυγμενον
(GSA) Psalms 38 : 21 μη εγκαταλιπης με κυριε ο θεος μου μη αποστης απ' εμου
(GSA) Psalms 38 : 22 προσχες εις την βοηθειαν μου κυριε της σωτηριας μου