(GTR) Titus 2 : 1 συ δε λαλει α πρεπει τη υγιαινουση διδασκαλια
(GTR) Titus 2 : 2 πρεσβυτας νηφαλιους ειναι σεμνους σωφρονας υγιαινοντας τη πιστει τη αγαπη τη υπομονη
(GTR) Titus 2 : 3 πρεσβυτιδας ωσαυτως εν καταστηματι ιεροπρεπεις μη διαβολους μη οινω πολλω δεδουλωμενας καλοδιδασκαλους
(GTR) Titus 2 : 4 ινα σωφρονιζωσιν τας νεας φιλανδρους ειναι φιλοτεκνους
(GTR) Titus 2 : 5 σωφρονας αγνας οικουρους αγαθας υποτασσομενας τοις ιδιοις ανδρασιν ινα μη ο λογος του θεου βλασφημηται
(GTR) Titus 2 : 6 τους νεωτερους ωσαυτως παρακαλει σωφρονειν
(GTR) Titus 2 : 7 περι παντα σεαυτον παρεχομενος τυπον καλων εργων εν τη διδασκαλια αδιαφθοριαν σεμνοτητα αφθαρσιαν
(GTR) Titus 2 : 8 λογον υγιη ακαταγνωστον ινα ο εξ εναντιας εντραπη μηδεν εχων περι υμων λεγειν φαυλον
(GTR) Titus 2 : 9 δουλους ιδιοις δεσποταις υποτασσεσθαι εν πασιν ευαρεστους ειναι μη αντιλεγοντας
(GTR) Titus 2 : 10 μη νοσφιζομενους αλλα πιστιν πασαν ενδεικνυμενους αγαθην ινα την διδασκαλιαν του σωτηρος υμων θεου κοσμωσιν εν πασιν
(GTR) Titus 2 : 11 επεφανη γαρ η χαρις του θεου η σωτηριος πασιν ανθρωποις
(GTR) Titus 2 : 12 παιδευουσα ημας ινα αρνησαμενοι την ασεβειαν και τας κοσμικας επιθυμιας σωφρονως και δικαιως και ευσεβως ζησωμεν εν τω νυν αιωνι
(GTR) Titus 2 : 13 προσδεχομενοι την μακαριαν ελπιδα και επιφανειαν της δοξης του μεγαλου θεου και σωτηρος ημων ιησου χριστου
(GTR) Titus 2 : 14 ος εδωκεν εαυτον υπερ ημων ινα λυτρωσηται ημας απο πασης ανομιας και καθαριση εαυτω λαον περιουσιον ζηλωτην καλων εργων
(GTR) Titus 2 : 15 ταυτα λαλει και παρακαλει και ελεγχε μετα πασης επιταγης μηδεις σου περιφρονειτω