(BHSCO) 1 Chronicles 21 : 1 ויעמד שטן על־ישראל ויסת את־דויד למנות את־ישראל׃
(BHSCO) 1 Chronicles 21 : 2 ויאמר דויד אל־יואב ואל־שרי העם לכו ספרו את־ישראל מבאר שבע ועד־דן והביאו אלי ואדעה את־מספרם׃
(BHSCO) 1 Chronicles 21 : 3 ויאמר יואב יוסף יהוה על־עמו כהם מאה פעמים הלא אדני המלך כלם לאדני לעבדים למה יבקש זאת אדני למה יהיה לאשמה לישראל׃
(BHSCO) 1 Chronicles 21 : 4 ודבר־המלך חזק על־יואב ויצא יואב ויתהלך בכל־ישראל ויבא ירושלם׃
(BHSCO) 1 Chronicles 21 : 5 ויתן יואב את־מספר מפקד־העם אל־דויד ויהי כל־ישראל אלף אלפים ומאה אלף איש שלף חרב ויהודה ארבע מאות ושבעים אלף איש שלף חרב׃
(BHSCO) 1 Chronicles 21 : 6 ולוי ובנימן לא פקד בתוכם כי־נתעב דבר־המלך את־יואב׃
(BHSCO) 1 Chronicles 21 : 7 וירע בעיני האלהים על־הדבר הזה ויך את־ישראל׃ ף
(BHSCO) 1 Chronicles 21 : 8 ויאמר דויד אל־האלהים חטאתי מאד אשר עשיתי את־הדבר הזה ועתה העבר־נא את־עוון עבדך כי נסכלתי מאד׃ ף
(BHSCO) 1 Chronicles 21 : 9 וידבר יהוה אל־גד חזה דויד לאמר׃
(BHSCO) 1 Chronicles 21 : 10 לך ודברת אל־דויד לאמר כה אמר יהוה שלוש אני נטה עליך בחר־לך אחת מהנה ואעשה־לך׃
(BHSCO) 1 Chronicles 21 : 11 ויבא גד אל־דויד ויאמר לו כה־אמר יהוה קבל־לך׃
(BHSCO) 1 Chronicles 21 : 12 אם־שלוש שנים רעב ואם־שלשה חדשים נספה מפני־צריך וחרב אויבך למשגת ואם־שלשת ימים חרב יהוה ודבר בארץ ומלאך יהוה משחית בכל־גבול ישראל ועתה ראה מה־אשיב את־שלחי דבר׃ ף
(BHSCO) 1 Chronicles 21 : 13 ויאמר דויד אל־גד צר־לי מאד אפלה־נא ביד־יהוה כי־רבים רחמיו מאד וביד־אדם אל־אפל׃
(BHSCO) 1 Chronicles 21 : 14 ויתן יהוה דבר בישראל ויפל מישראל שבעים אלף איש׃
(BHSCO) 1 Chronicles 21 : 15 וישלח האלהים מלאך לירושלם להשחיתה וכהשחית ראה יהוה וינחם על־הרעה ויאמר למלאך המשחית רב עתה הרף ידך ומלאך יהוה עמד עם־גרן ארןן היבוסי׃ ס
(BHSCO) 1 Chronicles 21 : 16 וישא דויד את־עיניו וירא את־מלאך יהוה עמד בין הארץ ובין השמים וחרבו שלופה בידו נטויה על־ירושלם ויפל דויד והזקנים מכסים בשקים על־פניהם׃
(BHSCO) 1 Chronicles 21 : 17 ויאמר דויד אל־האלהים הלא אני אמרתי למנות בעם ואני־הוא אשר־חטאתי והרע הרעותי ואלה הצאן מה עשו יהוה אלהי תהי נא ידך בי ובבית אבי ובעמך לא למגפה׃ ס
(BHSCO) 1 Chronicles 21 : 18 ומלאך יהוה אמר אל־גד לאמר לדויד כי יעלה דויד להקים מזבח ליהוה בגרן ארןן היבסי׃
(BHSCO) 1 Chronicles 21 : 19 ויעל דויד בדבר־גד אשר דבר בשם יהוה׃
(BHSCO) 1 Chronicles 21 : 20 וישב ארןן וירא את־המלאך וארבעת בניו עמו מתחבאים וארןן דש חטים׃
(BHSCO) 1 Chronicles 21 : 21 ויבא דויד עד־ארןן ויבט ארןן וירא את־דויד ויצא מן־הגרן וישתחו לדויד אפים ארצה׃
(BHSCO) 1 Chronicles 21 : 22 ויאמר דויד אל־ארןן תנה־לי מקום הגרן ואבנה־בו מזבח ליהוה בכסף מלא תנהו לי ותעצר המגפה מעל העם׃
(BHSCO) 1 Chronicles 21 : 23 ויאמר ארןן אל־דויד קח־לך ויעש אדני המלך הטוב בעיניו ראה נתתי הבקר לעלות והמורגים לעצים והחטים למנחה הכל נתתי׃
(BHSCO) 1 Chronicles 21 : 24 ויאמר המלך דויד לארןן לא כי־קנה אקנה בכסף מלא כי לא־אשא אשר־לך ליהוה והעלות עולה חנם׃
(BHSCO) 1 Chronicles 21 : 25 ויתן דויד לארןן במקום שקלי זהב משקל שש מאות׃
(BHSCO) 1 Chronicles 21 : 26 ויבן שם דויד מזבח ליהוה ויעל עלות ושלמים ויקרא אל־יהוה ויענהו באש מן־השמים על מזבח העלה׃ ף
(BHSCO) 1 Chronicles 21 : 27 ויאמר יהוה למלאך וישב חרבו אל־נדנה׃
(BHSCO) 1 Chronicles 21 : 28 בעת ההיא בראות דויד כי־ענהו יהוה בגרן ארןן היבוסי ויזבח שם׃
(BHSCO) 1 Chronicles 21 : 29 ומשכן יהוה אשר־עשה משה במדבר ומזבח העולה בעת ההיא בבמה בגבעון׃
(BHSCO) 1 Chronicles 21 : 30 ולא־יכל דויד ללכת לפניו לדרש אלהים כי נבעת מפני חרב מלאך יהוה׃ ס