(BHSCO) 1 Chronicles 26 : 1 למחלקות לשערים לקרחים משלמיהו בן־קרא מן־בני אסף׃
(BHSCO) 1 Chronicles 26 : 2 ולמשלמיהו בנים זכריהו הבכור ידיעאל השני זבדיהו השלישי יתניאל הרביעי׃
(BHSCO) 1 Chronicles 26 : 3 עילם החמישי יהוחןן הששי אליהועיני השביעי׃
(BHSCO) 1 Chronicles 26 : 4 ולעבד אדם בנים שמעיה הבכור יהוזבד השני יואח השלשי ושכר הרביעי ונתנאל החמישי׃
(BHSCO) 1 Chronicles 26 : 5 עמיאל הששי יששכר השביעי פעלתי השמיני כי ברכו אלהים׃ ף
(BHSCO) 1 Chronicles 26 : 6 ולשמעיה בנו נולד בנים הממשלים לבית אביהם כי־גבורי חיל המה׃
(BHSCO) 1 Chronicles 26 : 7 בני שמעיה עתני ורפאל ועובד אלזבד אחיו בני־חיל אליהו וסמכיהו׃
(BHSCO) 1 Chronicles 26 : 8 כל־אלה מבני עבד אדם המה ובניהם ואחיהם איש־חיל בכח לעבדה ששים ושנים לעבד אדם׃
(BHSCO) 1 Chronicles 26 : 9 ולמשלמיהו בנים ואחים בני־חיל שמונה עשר׃ ס
(BHSCO) 1 Chronicles 26 : 10 ולחסה מן־בני־מררי בנים שמרי הראש כי לא־היה בכור וישימהו אביהו לראש׃
(BHSCO) 1 Chronicles 26 : 11 חלקיהו השני טבליהו השלשי זכריהו הרבעי כל־בנים ואחים לחסה שלשה עשר׃
(BHSCO) 1 Chronicles 26 : 12 לאלה מחלקות השערים לראשי הגברים משמרות לעמת אחיהם לשרת בבית יהוה׃
(BHSCO) 1 Chronicles 26 : 13 ויפילו גורלות כקטן כגדול לבית אבותם לשער ושער׃ ף
(BHSCO) 1 Chronicles 26 : 14 ויפל הגורל מזרחה לשלמיהו וזכריהו בנו יועץ בשכל הפילו גורלות ויצא גורלו צפונה׃ ס
(BHSCO) 1 Chronicles 26 : 15 לעבד אדם נגבה ולבניו בית האספים׃
(BHSCO) 1 Chronicles 26 : 16 לשפים ולחסה למערב עם שער שלכת במסלה העולה משמר לעמת משמר׃
(BHSCO) 1 Chronicles 26 : 17 למזרח הלוים ששה לצפונה ליום ארבעה לנגבה ליום ארבעה ולאספים שנים שנים׃
(BHSCO) 1 Chronicles 26 : 18 לפרבר למערב ארבעה למסלה שנים לפרבר׃
(BHSCO) 1 Chronicles 26 : 19 אלה מחלקות השערים לבני הקרחי ולבני מררי׃
(BHSCO) 1 Chronicles 26 : 20 והלוים אחיה על־אוצרות בית האלהים ולאצרות הקדשים׃
(BHSCO) 1 Chronicles 26 : 21 בני לעדן בני הגרשני ללעדן ראשי האבות ללעדן הגרשני יחיאלי׃
(BHSCO) 1 Chronicles 26 : 22 בני יחיאלי זתם ויואל אחיו על־אצרות בית יהוה׃
(BHSCO) 1 Chronicles 26 : 23 לעמרמי ליצהרי לחברוני לעזיאלי׃
(BHSCO) 1 Chronicles 26 : 24 ושבאל בן־גרשום בן־משה נגיד על־האצרות׃
(BHSCO) 1 Chronicles 26 : 25 ואחיו לאליעזר רחביהו בנו וישעיהו בנו וירם בנו וזכרי בנו [כ ושלמות] [ק ושלמית] בנו׃
(BHSCO) 1 Chronicles 26 : 26 הוא שלמות ואחיו על כל־אצרות הקדשים אשר הקדיש דויד המלך וראשי האבות לשרי־האלפים והמאות ושרי הצבא׃
(BHSCO) 1 Chronicles 26 : 27 מן־המלחמות ומן־השלל הקדישו לחזק לבית יהוה׃
(BHSCO) 1 Chronicles 26 : 28 וכל ההקדיש שמואל הראה ושאול בן־קיש ואבנר בן־נר ויואב בן־צרויה כל המקדיש על יד־שלמית ואחיו׃ ף
(BHSCO) 1 Chronicles 26 : 29 ליצהרי כנניהו ובניו למלאכה החיצונה על־ישראל לשטרים ולשפטים׃
(BHSCO) 1 Chronicles 26 : 30 לחברוני חשביהו ואחיו בני־חיל אלף ושבע־מאות על פקדת ישראל מעבר לירדן מערבה לכל מלאכת יהוה ולעבדת המלך׃
(BHSCO) 1 Chronicles 26 : 31 לחברוני יריה הראש לחברוני לתלדתיו לאבות בשנת הארבעים למלכות דויד נדרשו וימצא בהם גבורי חיל ביעזיר גלעד׃
(BHSCO) 1 Chronicles 26 : 32 ואחיו בני־חיל אלפים ושבע מאות ראשי האבות ויפקידם דויד המלך על־הראובני והגדי וחצי שבט המנשי לכל־דבר האלהים ודבר המלך׃ ף