(BHSCO) Psalms 22 : 1 למנצח על־אילת השחר מזמור לדוד׃ אלי אלי למה עזבתני רחוק מישועתי דברי שאגתי׃
(BHSCO) Psalms 22 : 2 אלהי אקרא יוםם ולא תענה ולילה ולא־דומיה לי׃
(BHSCO) Psalms 22 : 3 ואתה קדוש יושב תהלות ישראל׃
(BHSCO) Psalms 22 : 4 בך בטחו אבתינו בטחו ותפלטמו׃
(BHSCO) Psalms 22 : 5 אליך זעקו ונמלטו בך בטחו ולא־בושו׃
(BHSCO) Psalms 22 : 6 ואנכי תולעת ולא־איש חרפת אדם ובזוי עם׃
(BHSCO) Psalms 22 : 7 כל־ראי ילעגו לי יפטירו בשפה יניעו ראש׃
(BHSCO) Psalms 22 : 8 גל אל־יהוה יפלטהו יצילהו כי חפץ בו׃
(BHSCO) Psalms 22 : 9 כי־אתה גחי מבטן מבטיחי על־שדי אמי׃
(BHSCO) Psalms 22 : 10 עליך השלכתי מרחם מבטן אמי אלי אתה׃
(BHSCO) Psalms 22 : 11 אל־תרחק ממני כי־צרה קרובה כי־אין עוזר׃
(BHSCO) Psalms 22 : 12 סבבוני פרים רבים אבירי בשן כתרוני׃
(BHSCO) Psalms 22 : 13 פצו עלי פיהם אריה טרף ושאג׃
(BHSCO) Psalms 22 : 14 כמים נשפכתי והתפרדו כל־עצמותי היה לבי כדונג נמס בתוך מעי׃
(BHSCO) Psalms 22 : 15 יבש כחרש כחי ולשוני מדבק מלקוחי ולעפר־מות תשפתני׃
(BHSCO) Psalms 22 : 16 כי סבבוני כלבים עדת מרעים הקיפוני כארי ידי ורגלי׃
(BHSCO) Psalms 22 : 17 אספר כל־עצמותי המה יביטו יראו־בי׃
(BHSCO) Psalms 22 : 18 יחלקו בגדי להם ועל־לבושי יפילו גורל׃
(BHSCO) Psalms 22 : 19 ואתה יהוה אל־תרחק אילותי לעזרתי חושה׃
(BHSCO) Psalms 22 : 20 הצילה מחרב נפשי מיד־כלב יחידתי׃
(BHSCO) Psalms 22 : 21 הושיעני מפי אריה ומקרני רמים עניתני׃
(BHSCO) Psalms 22 : 22 אספרה שמך לאחי בתוך קהל אהללך׃
(BHSCO) Psalms 22 : 23 יראי יהוה הללוהו כל־זרע יעקב כבדוהו וגורו ממנו כל־זרע ישראל׃
(BHSCO) Psalms 22 : 24 כי לא־בזה ולא שקץ ענות עני ולא־הסתיר פניו ממנו ובשועו אליו שמע׃
(BHSCO) Psalms 22 : 25 מאתכ* תהלתי בקהל רב נדרי אשלם נגד יראיו׃
(BHSCO) Psalms 22 : 26 יאכלו ענוים וישבעו יהללו יהוה דרשיו יחי לבבכם לעד׃
(BHSCO) Psalms 22 : 27 יזכרו וישבו אל־יהוה כל־אפסי־ארץ וישתחוו לפניך כל־משפחות גוים׃
(BHSCO) Psalms 22 : 28 כי ליהוה המלוכה ומשל בגוים׃
(BHSCO) Psalms 22 : 29 אכלו וישתחוו כל־דשני־ארץ לפניו יכרעו כל־יורדי עפר ונפשו לא חיה׃
(BHSCO) Psalms 22 : 30 זרע יעבדנו יספר לאדני לדור׃
(BHSCO) Psalms 22 : 31 יבאו ויגידו צדקתו לעם נולד כי עשה׃