(BHSCO) Psalms 86 : 1 תפלה לדוד הטה־יהוה אזנך ענני כי־עני ואביון אני׃
(BHSCO) Psalms 86 : 2 שמרה נפשי כי־חסיד אני הושע עבדך אתה אלהי הבוטח אליך׃
(BHSCO) Psalms 86 : 3 חנני אדני כי אליך אקרא כל־היום׃
(BHSCO) Psalms 86 : 4 שמח נפש עבדך כי אליך אדני נפשי אשא׃
(BHSCO) Psalms 86 : 5 כי־אתה אדני טוב וסלח ורב־חסד לכל־קראיך׃
(BHSCO) Psalms 86 : 6 האזינה יהוה תפלתי והקשיבה בקול תחנונותי׃
(BHSCO) Psalms 86 : 7 ביום צרתי אקראך כי תענני׃
(BHSCO) Psalms 86 : 8 אין־כמוך באלהים אדני ואין כמעשיך׃
(BHSCO) Psalms 86 : 9 כל־גוים אשר עשית יבואו וישתחוו לפניך אדני ויכבדו לשמך׃
(BHSCO) Psalms 86 : 10 כי־גדול אתה ועשה נפלאות אתה אלהים לבדך׃
(BHSCO) Psalms 86 : 11 הורני יהוה דרךך אהלך באמתך יחד לבבי ליראה שמך׃
(BHSCO) Psalms 86 : 12 אודך׃ אדני אלהי בכל־לבבי ואכבדה שמך לעולם׃
(BHSCO) Psalms 86 : 13 כי־חסדך גדול עלי והצלת נפשי משאול תחתיה׃
(BHSCO) Psalms 86 : 14 אלהים זדים קמו־עלי ועדת עריצים בקשו נפשי ולא שמוך לנגדם׃
(BHSCO) Psalms 86 : 15 ואתה אדני אל־רחום וחנון ארך אפים ורב־חסד ואמת׃
(BHSCO) Psalms 86 : 16 פנה אלי וחנני תנה־עזך לעבדך והושיעה לבן־אמתך׃
(BHSCO) Psalms 86 : 17 עשה־עמי אות לטובה ויראו שנאי ויבשו כי־אתה יהוה עזרתני ונחמתני׃