(GTR) Philemon 1 : 1 παυλος δεσμιος χριστου ιησου και τιμοθεος ο αδελφος φιλημονι τω αγαπητω και συνεργω ημων
(GTR) Philemon 1 : 2 και απφια τη αγαπητη και αρχιππω τω συστρατιωτη ημων και τη κατ οικον σου εκκλησια
(GTR) Philemon 1 : 3 χαρις υμιν και ειρηνη απο θεου πατρος ημων και κυριου ιησου χριστου
(GTR) Philemon 1 : 4 ευχαριστω τω θεω μου παντοτε μνειαν σου ποιουμενος επι των προσευχων μου
(GTR) Philemon 1 : 5 ακουων σου την αγαπην και την πιστιν ην εχεις προς τον κυριον ιησουν και εις παντας τους αγιους
(GTR) Philemon 1 : 6 οπως η κοινωνια της πιστεως σου ενεργης γενηται εν επιγνωσει παντος αγαθου του εν υμιν εις χριστον ιησουν
(GTR) Philemon 1 : 7 χαριν γαρ εχομεν πολλην και παρακλησιν επι τη αγαπη σου οτι τα σπλαγχνα των αγιων αναπεπαυται δια σου αδελφε
(GTR) Philemon 1 : 8 διο πολλην εν χριστω παρρησιαν εχων επιτασσειν σοι το ανηκον
(GTR) Philemon 1 : 9 δια την αγαπην μαλλον παρακαλω τοιουτος ων ως παυλος πρεσβυτης νυνι δε και δεσμιος ιησου χριστου
(GTR) Philemon 1 : 10 παρακαλω σε περι του εμου τεκνου ον εγεννησα εν τοις δεσμοις μου ονησιμον
(GTR) Philemon 1 : 11 τον ποτε σοι αχρηστον νυνι δε σοι και εμοι ευχρηστον
(GTR) Philemon 1 : 12 ον ανεπεμψα συ δε αυτον τουτ εστιν τα εμα σπλαγχνα προσλαβου
(GTR) Philemon 1 : 13 ον εγω εβουλομην προς εμαυτον κατεχειν ινα υπερ σου διακονη μοι εν τοις δεσμοις του ευαγγελιου
(GTR) Philemon 1 : 14 χωρις δε της σης γνωμης ουδεν ηθελησα ποιησαι ινα μη ως κατα αναγκην το αγαθον σου η αλλα κατα εκουσιον
(GTR) Philemon 1 : 15 ταχα γαρ δια τουτο εχωρισθη προς ωραν ινα αιωνιον αυτον απεχης
(GTR) Philemon 1 : 16 ουκετι ως δουλον αλλ υπερ δουλον αδελφον αγαπητον μαλιστα εμοι ποσω δε μαλλον σοι και εν σαρκι και εν κυριω
(GTR) Philemon 1 : 17 ει ουν εμε εχεις κοινωνον προσλαβου αυτον ως εμε
(GTR) Philemon 1 : 18 ει δε τι ηδικησεν σε η οφειλει τουτο εμοι ελλογει
(GTR) Philemon 1 : 19 εγω παυλος εγραψα τη εμη χειρι εγω αποτισω ινα μη λεγω σοι οτι και σεαυτον μοι προσοφειλεις
(GTR) Philemon 1 : 20 ναι αδελφε εγω σου οναιμην εν κυριω αναπαυσον μου τα σπλαγχνα εν κυριω
(GTR) Philemon 1 : 21 πεποιθως τη υπακοη σου εγραψα σοι ειδως οτι και υπερ ο λεγω ποιησεις
(GTR) Philemon 1 : 22 αμα δε και ετοιμαζε μοι ξενιαν ελπιζω γαρ οτι δια των προσευχων υμων χαρισθησομαι υμιν
(GTR) Philemon 1 : 23 ασπαζονται σε επαφρας ο συναιχμαλωτος μου εν χριστω ιησου
(GTR) Philemon 1 : 24 μαρκος αρισταρχος δημας λουκας οι συνεργοι μου
(GTR) Philemon 1 : 25 η χαρις του κυριου ημων ιησου χριστου μετα του πνευματος υμων αμην [προς φιλημονα εγραφη απο ρωμης δια ονησιμου οικετου]