BHSCO - 1 Kgs 4

(BHSCO) 1 Kings 4 : 1 ויהי המלך שלמה מלך על־כל־ישראל׃ ס

(BHSCO) 1 Kings 4 : 2 ואלה השרים אשר־לו עזריהו בן־צדוק הכהן׃ ס

(BHSCO) 1 Kings 4 : 3 אליחרף ואחיה בני שישא ספרים יהושפט בן־אחילוד המזכיר׃

(BHSCO) 1 Kings 4 : 4 ובניהו בן־יהוידע על־הצבא וצדוק ואביתר כהנים׃ ס

(BHSCO) 1 Kings 4 : 5 ועזריהו בן־נתן על־הנצבים וזבוד בן־נתן כהן רעה המלך׃

(BHSCO) 1 Kings 4 : 6 ואחישר על־הבית ואדנירם בן־עבדא על־המס׃ ס

(BHSCO) 1 Kings 4 : 7 ולשלמה שנים־עשר נצבים על־כל־ישראל וכלכלו את־המלך ואת־ביתו חדש בשנה יהיה על־[כ אחד] [ק האחד] לכלכל׃ ס

(BHSCO) 1 Kings 4 : 8 ואלה שמותם בן־חור בהר אפרים׃ ס

(BHSCO) 1 Kings 4 : 9 בן־דקר במקץ ובשעלבים ובית שמש ואילון בית חןן׃ ס

(BHSCO) 1 Kings 4 : 10 בן־חסד בארבות לו שכה וכל־ארץ חפר׃ ס

(BHSCO) 1 Kings 4 : 11 בן־אבינדב כל־נפת דאר טפת בת־שלמה היתה לו לאשה׃ ס

(BHSCO) 1 Kings 4 : 12 בענא בן־אחילוד תענך ומגדו וכל־בית שאן אשר אצל צרתנה מתחת ליזרעאל מבית שאן עד אבל מחולה עד מעבר ליקמעם׃ ס

(BHSCO) 1 Kings 4 : 13 בן־גבר ברמת גלעד לו חות יאיר בן־מנשה אשר בגלעד לו* חבל ארגב אשר בבשן ששים ערים גדלות חומה ובריח נחשת׃ ס

(BHSCO) 1 Kings 4 : 14 אחינדב בן־עדא מחנימה׃

(BHSCO) 1 Kings 4 : 15 אחימעץ בנפתלי גם־הוא לקח את־בשמת בת־שלמה לאשה׃

(BHSCO) 1 Kings 4 : 16 בענא בן־חושי באשר ובעלות׃ ס

(BHSCO) 1 Kings 4 : 17 יהושפט בן־פרוח ביששכר׃ ס

(BHSCO) 1 Kings 4 : 18 שמעי בן־אלא בבנימן׃ ס

(BHSCO) 1 Kings 4 : 19 גבר בן־ארי בארץ גלעד ארץ סיחון מלך האמרי ועג מלך הבשן ונציב אחד אשר בארץ׃

(BHSCO) 1 Kings 4 : 20 יהודה וישראל רבים כחול אשר־על־הים לרב אכלים ושתים ושמחים׃

(BHSCO) 1 Kings 4 : 21 ושלמה היה מושל בכל־הממלכות מן־הנהר ארץ פלשתים ועד גבול מצרים מגשים מנחה ועבדים את־שלמה כל־ימי חייו׃ ף

(BHSCO) 1 Kings 4 : 22 ויהי לחם־שלמה ליום אחד שלשים כר סלת וששים כר קמח׃

(BHSCO) 1 Kings 4 : 23 עשרה בקר בראים ועשרים בקר רעי ומאה צאן לבד מאיל וצבי ויחמור וברברים אבוסים׃

(BHSCO) 1 Kings 4 : 24 כי־הוא רדה בכל־עבר הנהר מתפסח ועד־עזה בכל־מלכי עבר הנהר ושלום היה לו מכל־עבריו מסביב׃

(BHSCO) 1 Kings 4 : 25 וישב יהודה וישראל לבטח איש תחת גפנו ותחת תאנתו מדן ועד־באר שבע כל ימי שלמה׃ ס

(BHSCO) 1 Kings 4 : 26 ויהי לשלמה ארבעים אלף ארות סוסים למרכבו ושנים־עשר אלף פרשים׃

(BHSCO) 1 Kings 4 : 27 וכלכלו הנצבים האלה את־המלך שלמה ואת כל־הקרב אל־שלחן המלך־שלמה איש חדשו לא יעדרו דבר׃

(BHSCO) 1 Kings 4 : 28 והשערים והתבן לסוסים ולרכש יבאו אל־המקום אשר יהיה־שם איש כמשפטו׃ ס

(BHSCO) 1 Kings 4 : 29 ויתן אלהים חכמה לשלמה ותבונה הרבה מאד ורחב לב כחול אשר על־שפת הים׃

(BHSCO) 1 Kings 4 : 30 ותרב חכמת שלמה מחכמת כל־בני־קדם ומכל חכמת מצרים׃

(BHSCO) 1 Kings 4 : 31 ויחכם מכל־האדם מאיתן האזרחי והימן וכלכל ודרדע בני מחול ויהי־שמו בכל־הגוים סביב׃

(BHSCO) 1 Kings 4 : 32 וידבר שלשת אלפים משל ויהי שירו חמשה ואלף׃

(BHSCO) 1 Kings 4 : 33 וידבר על־העצים מן־הארז אשר בלבנון ועד האזוב אשר יצא בקיר וידבר על־הבהמה ועל־העוף ועל־הרמש ועל־הדגים׃

(BHSCO) 1 Kings 4 : 34 ויבאו מכל־העמים לשמע את חכמת שלמה מאת כל־מלכי הארץ אשר שמעו את־חכמתו׃ ס