BHSCO - 1 Chr 27

(BHSCO) 1 Chronicles 27 : 1 ובני ישראל למספרם ראשי האבות ושרי האלפים והמאות ושטריהם המשרתים את־המלך לכל דבר המחלקות הבאה והיצאת חדש בחדש לכל חדשי השנה המחלקת האחת עשרים וארבעה אלף׃ ס

(BHSCO) 1 Chronicles 27 : 2 על המחלקת הראשונה לחדש הראשון ישבעם בן־זבדיאל ועל מחלקתו עשרים וארבעה אלף׃

(BHSCO) 1 Chronicles 27 : 3 מן־בני־פרץ הראש לכל־שרי הצבאות לחדש הראשון׃

(BHSCO) 1 Chronicles 27 : 4 ועל מחלקת החדש השני דודי האחוחי ומחלקתו ומקלות הנגיד ועל מחלקתו עשרים וארבעה אלף׃ ס

(BHSCO) 1 Chronicles 27 : 5 שר הצבא השלישי לחדש השלישי בניהו בן־יהוידע הכהן ראש ועל מחלקתו עשרים וארבעה אלף׃

(BHSCO) 1 Chronicles 27 : 6 הוא בניהו גבור השלשים ועל־השלשים ומחלקתו עמיזבד בנו׃ ס

(BHSCO) 1 Chronicles 27 : 7 הרביעי לחדש הרביעי עשה־אל אחי יואב וזבדיה בנו אחריו ועל מחלקתו עשרים וארבעה אלף׃ ס

(BHSCO) 1 Chronicles 27 : 8 החמישי לחדש החמישי השר שמהות היזרח ועל מחלקתו עשרים וארבעה אלף׃ ס

(BHSCO) 1 Chronicles 27 : 9 הששי לחדש הששי עירא בן־עקש התקועי ועל מחלקתו עשרים וארבעה אלף׃ ס

(BHSCO) 1 Chronicles 27 : 10 השביעי לחדש השביעי חלץ הפלוני מן־בני אפרים ועל מחלקתו עשרים וארבעה אלף׃ ס

(BHSCO) 1 Chronicles 27 : 11 השמיני לחדש השמיני סבכי החשתי לזרחי ועל מחלקתו עשרים וארבעה אלף׃ ס

(BHSCO) 1 Chronicles 27 : 12 התשיעי לחדש התשיעי אביעזר הענתתי [כ לבנימיני] [ק לבן] [ק ימיני] ועל מחלקתו עשרים וארבעה אלף׃ ס

(BHSCO) 1 Chronicles 27 : 13 העשירי לחדש העשירי מהרי הנטופתי לזרחי ועל מחלקתו עשרים וארבעה אלף׃ ס

(BHSCO) 1 Chronicles 27 : 14 עשתי־עשר לעשתי־עשר החדש בניה הפרעתוני מן־בני אפרים ועל מחלקתו עשרים וארבעה אלף׃ ס

(BHSCO) 1 Chronicles 27 : 15 השנים עשר לשנים עשר החדש חלדי הנטופתי לעתניאל ועל מחלקתו עשרים וארבעה אלף׃ ף

(BHSCO) 1 Chronicles 27 : 16 ועל שבטי ישראל לראובני נגיד אליעזר בן־זכרי ס לשמעוני שפטיהו בן־מעכה׃ ס

(BHSCO) 1 Chronicles 27 : 17 ללוי חשביה בן־קמואל לאהרן צדוק׃ ס

(BHSCO) 1 Chronicles 27 : 18 ליהודה אליהו מאחי דויד ליששכר עמרי בן־מיכאל׃ ס

(BHSCO) 1 Chronicles 27 : 19 לזבולן ישמעיהו בן־עבדיהו לנפתלי ירימות בן־עזריאל׃ ס

(BHSCO) 1 Chronicles 27 : 20 לבני אפרים הושע בן־עזזיהו לחצי שבט מנשה יואל בן־פדיהו׃ ס

(BHSCO) 1 Chronicles 27 : 21 לחצי המנשה גלעדה ידו בן־זכריהו ס לבנימן יעשיאל בן־אבנר׃ ס

(BHSCO) 1 Chronicles 27 : 22 לדן עזראל בן־ירחם אלה שרי שבטי ישראל׃

(BHSCO) 1 Chronicles 27 : 23 ולא־נשא דויד מספרם למבן עשרים שנה ולמטה כי אמר יהוה להרבות את־ישראל ככוכבי השמים׃

(BHSCO) 1 Chronicles 27 : 24 יואב בן־צרויה החל למנות ולא כלה ויהי בזאת קצף על־ישראל ולא עלה המספר במספר דברי־הימים למלך דויד׃ ס

(BHSCO) 1 Chronicles 27 : 25 ועל אצרות המלך עזמות בן־עדיאל ס ועל האצרות בשדה בערים ובכפרים ובמגדלות יהונתן בן־עזיהו׃ ס

(BHSCO) 1 Chronicles 27 : 26 ועל עשי מלאכת השדה לעבדת האדמה עזרי בן־כלוב׃

(BHSCO) 1 Chronicles 27 : 27 ועל־הכרמים שמעי הרמתי ועל שבכרמים לאצרות היין זבדי השפמי׃ ס

(BHSCO) 1 Chronicles 27 : 28 ועל־הזיתים והשקמים אשר בשפלה בעל חןן הגדרי ס ועל־אצרות השמן יועש׃ ס

(BHSCO) 1 Chronicles 27 : 29 ועל־הבקר הרעים בשרון [כ שטרי] [ק שרטי] השרוני ועל־הבקר בעמקים שפט בן־עדלי׃ ס

(BHSCO) 1 Chronicles 27 : 30 ועל־הגמלים אוביל הישמעלי ועל־האתנות יחדיהו המרנתי׃ ס

(BHSCO) 1 Chronicles 27 : 31 ועל־הצאן יזיז ההגרי כל־אלה שרי הרכוש אשר למלך דויד׃

(BHSCO) 1 Chronicles 27 : 32 ויהונתן דוד־דויד יועץ איש־מבין וסופר הוא ויחיאל בן־חכמוני עם־בני המלך׃

(BHSCO) 1 Chronicles 27 : 33 ואחיתפל יועץ למלך ס וחושי הארכי רע המלך׃

(BHSCO) 1 Chronicles 27 : 34 ואחרי אחיתפל יהוידע בן־בניהו ואביתר ושר־צבא למלך יואב׃ ף