(BHSCO) Leviticus 19 : 1 וידבר יהוה אל־משה לאמר׃
(BHSCO) Leviticus 19 : 2 דבר אל־כל־עדת בני־ישראל ואמרת אלהם קדשים תהיו כי קדוש אני יהוה אלהיכם׃
(BHSCO) Leviticus 19 : 3 איש אמו ואביו תיראו ואת־שבתתי תשמרו אני יהוה אלהיכם׃
(BHSCO) Leviticus 19 : 4 אל־תפנו אל־האלילים ואלהי מסכה לא תעשו לכם אני יהוה אלהיכם׃
(BHSCO) Leviticus 19 : 5 וכי תזבחו זבח שלמים ליהוה לרצנכם תזבחהו׃
(BHSCO) Leviticus 19 : 6 ביום זבחכם יאכל וממחרת והנותר עד־יום השלישי באש ישרף׃
(BHSCO) Leviticus 19 : 7 ואם האכל יאכל ביום השלישי פגול הוא לא ירצה׃
(BHSCO) Leviticus 19 : 8 ואכליו עונו ישא כי־את־קדש יהוה חלל ונכרתה הנפש ההוא מעמיה׃
(BHSCO) Leviticus 19 : 9 ובקצרכם את־קציר ארצכם לא תכלה פאת שדך לקצר ולקט קצירך לא תלקט׃
(BHSCO) Leviticus 19 : 10 וכרמך לא תעולל ופרט כרמך לא תלקט לעני ולגר תעזב אתם אני יהוה אלהיכם׃
(BHSCO) Leviticus 19 : 11 לא תגנבו ולא־תכחשו ולא־תשקרו איש בעמיתו׃
(BHSCO) Leviticus 19 : 12 ולא־תשבעו בשמי לשקר וחללת את־שם אלהיך אני יהוה׃
(BHSCO) Leviticus 19 : 13 לא־תעשק את־רעך ולא תגזל לא־תלין פעלת שכיר אתך עד־בקר׃
(BHSCO) Leviticus 19 : 14 לא־תקלל חרש ולפני עור לא תתן מכשל ויראת מאלהיך אני יהוה׃
(BHSCO) Leviticus 19 : 15 לא־תעשו עול במשפט לא־תשא פני־דל ולא תהדר פני גדול בצדק תשפט עמיתך׃
(BHSCO) Leviticus 19 : 16 לא־תלך רכיל בעמיך לא תעמד על־דם רעך אני יהוה׃
(BHSCO) Leviticus 19 : 17 לא־תשנא את־אחיך בלבבך הוכח תוכיח את־עמיתך ולא־תשא עליו חטא׃
(BHSCO) Leviticus 19 : 18 לא־תקם ולא־תטר את־בני עמך ואהבת לרעך כמוך אני יהוה׃
(BHSCO) Leviticus 19 : 19 את־חקתי תשמרו בהמתך לא־תרביע כלאים שדך לא־תזרע כלאים ובגד כלאים שעטנז לא יעלה עליך׃ ף
(BHSCO) Leviticus 19 : 20 ואיש כי־ישכב את־אשה שכבת־זרע והוא שפחה נחרפת לאיש והפדה לא נפדתה או חפשה לא נתן־לה בקרת תהיה לא יומתו כי־לא חפשה׃
(BHSCO) Leviticus 19 : 21 והביא את־אשמו ליהוה אל־פתח אהל מועד איל אשם׃
(BHSCO) Leviticus 19 : 22 וכפר עליו הכהן באיל האשם לפני יהוה על־חטאתו אשר חטא ונסלח לו מחטאתו אשר חטא׃ ף
(BHSCO) Leviticus 19 : 23 וכי־תבאו אל־הארץ ונטעתם כל־עץ מאכל וערלתם ערלתו את־פריו שלש שנים יהיה לכם ערלים לא יאכל׃
(BHSCO) Leviticus 19 : 24 ובשנה הרביעת יהיה כל־פריו קדש הלולים ליהוה׃
(BHSCO) Leviticus 19 : 25 ובשנה החמישת תאכלו את־פריו להוסיף לכם תבואתו אני יהוה אלהיכם׃
(BHSCO) Leviticus 19 : 26 לא תאכלו על־הדם לא תנחשו ולא תעוננו׃
(BHSCO) Leviticus 19 : 27 לא תקפו פאת ראשכם ולא תשחית את פאת זקנך׃
(BHSCO) Leviticus 19 : 28 ושרט לנפש* לא תתנו בבשרכם וכתבת קעקע לא תתנו בכם אני יהוה׃
(BHSCO) Leviticus 19 : 29 אל־תחלל את־בתך להזנותה ולא־תזנה הארץ ומלאה הארץ זמה׃
(BHSCO) Leviticus 19 : 30 את־שבתתי תשמרו ומקדשי תיראו אני יהוה׃
(BHSCO) Leviticus 19 : 31 אל־תפנו אל־האבת ואל־הידענים אל־תבקשו לטמאה בהם אני יהוה אלהיכם׃
(BHSCO) Leviticus 19 : 32 מפני שיבה תקום והדרת פני זקן ויראת מאלהיך אני יהוה׃ ף
(BHSCO) Leviticus 19 : 33 וכי־יגור אתך גר בארצכם לא תונו אתו׃
(BHSCO) Leviticus 19 : 34 כאזרח םכם יהיה לכם הגר הגר אתכם ואהבת לו כמוך כי־גרים הייתם בארץ מצרים אני יהוה אלהיכם׃
(BHSCO) Leviticus 19 : 35 לא־תעשו עול במשפט במדה במשקל ובמשורה׃
(BHSCO) Leviticus 19 : 36 מאזני צדק אבני־צדק איפת צדק והין צדק יהיה לכם אני יהוה אלהיכם אשר־הוצאתי אתכם מארץ מצרים׃
(BHSCO) Leviticus 19 : 37 ושמרתם את־כל־חקתי ואת־כל־משפטי ועשיתמ* אתם אני יהוה׃ ף