(BHSCO) Nehemiah 12 : 1 ואלה הכהנים והלוים אשר עלו עם־זרבבל בן־שאלתיאל וישוע שריה ירמיה עזרא׃
(BHSCO) Nehemiah 12 : 2 אמריה מלוך חטוש׃
(BHSCO) Nehemiah 12 : 3 שכניה רחם מרמת׃
(BHSCO) Nehemiah 12 : 4 עדוא גנתוי אביה׃
(BHSCO) Nehemiah 12 : 5 מימין מעדיה בלגה׃
(BHSCO) Nehemiah 12 : 6 שמעיה ויויריב ידעיה׃
(BHSCO) Nehemiah 12 : 7 סלו עמוק חלקיה ידעיה אלה ראשי הכהנים ואחיהם בימי ישוע׃ ף
(BHSCO) Nehemiah 12 : 8 והלוים ישוע בנוי קדמיאל שרביה יהודה מתניה על־הידות הוא ואחיו׃*
(BHSCO) Nehemiah 12 : 9 ובקבקיה [כ וענו] [ק ועני] אחיהם לנגדם למשמרות׃
(BHSCO) Nehemiah 12 : 10 וישוע הוליד את־יויקים ויויקים הוליד את־אלישיב ואלישיב את־יוידע׃
(BHSCO) Nehemiah 12 : 11 ויוידע הוליד את־יונתן ויונתן הוליד את־ידוע׃
(BHSCO) Nehemiah 12 : 12 ובימי יויקים היו כהנים ראשי האבות לשריה מריה לירמיה חנניה׃
(BHSCO) Nehemiah 12 : 13 לעזרא משלם לאמריה יהוחןן׃
(BHSCO) Nehemiah 12 : 14 [כ למלוכי] [ק למליכו] יונתן לשבניה יוסף׃
(BHSCO) Nehemiah 12 : 15 לחרם עדנא למריות חלקי׃
(BHSCO) Nehemiah 12 : 16 [כ לעדיא] [ק לעדוא] זכריה לגנתון משלם׃
(BHSCO) Nehemiah 12 : 17 לאביה זכרי למנימין למועדיה פלטי׃
(BHSCO) Nehemiah 12 : 18 לבלגה שמוע לשמעיה יהונתן׃
(BHSCO) Nehemiah 12 : 19 וליויריב מתני לידעיה עזי׃
(BHSCO) Nehemiah 12 : 20 לסלי קלי לעמוק עבר׃
(BHSCO) Nehemiah 12 : 21 לחלקיה חשביה לידעיה נתנאל׃
(BHSCO) Nehemiah 12 : 22 הלוים בימי אלישיב יוידע ויוחןן וידוע כתובים ראשי אבות והכהנים על־מלכות דריוש הפרסי׃ ף
(BHSCO) Nehemiah 12 : 23 בני לוי ראשי האבות כתובים על־ספר דברי הימים ועד־ימי יוחןן בן־אלישיב׃
(BHSCO) Nehemiah 12 : 24 וראשי הלוים חשביה שרביה וישוע בן־קדמיאל ואחיהם לנגדם להלל להודות במצות דויד איש־האלהים משמר לעמת משמר׃
(BHSCO) Nehemiah 12 : 25 מתניה ובקבקיה עבדיה משלם טלמון עקוב שמרים שוערים משמר באספי השערים׃
(BHSCO) Nehemiah 12 : 26 אלה בימי יויקים בן־ישוע בן־יוצדק ובימי נחמיה הפחה ועזרא הכהן הסופר׃ ף
(BHSCO) Nehemiah 12 : 27 ובחנכת חומת ירושלם בקשו את־הלוים מכל־מקומתם להביאם לירושלם לעשת חנכה ושמחה ובתודות ובשיר מצלתים נבלים ובכנרות׃
(BHSCO) Nehemiah 12 : 28 ויאספו בני המשררים ומן־הככר סביבות ירושלם ומן־חצרי נטפתי׃
(BHSCO) Nehemiah 12 : 29 ומבית הגלגל ומשדות גבע ועזמות כי חצרים בנו להם המשררים סביבות ירושלם׃
(BHSCO) Nehemiah 12 : 30 ויטהרו הכהנים והלוים ויטהרו את־העם ואת־השערים ואת־החומה׃
(BHSCO) Nehemiah 12 : 31 ואעלה את־שרי יהודה מעל לחומה ואעמידה שתי תודת גדולת ותהלכת לימין מעל לחומה לשער האשפת׃
(BHSCO) Nehemiah 12 : 32 וילך אחריהם הושעיה וחצי שרי יהודה׃
(BHSCO) Nehemiah 12 : 33 ועזריה עזרא ומשלם׃
(BHSCO) Nehemiah 12 : 34 יהודה ובנימן ושמעיה וירמיה׃ ס
(BHSCO) Nehemiah 12 : 35 ומבני הכהנים בחצצרות זכריה בן־יונתן בן־שמעיה בן־מתניה בן־מיכיה בן־זכור בן־אסף׃
(BHSCO) Nehemiah 12 : 36 ואחיו שמעיה ועזראל מללי גללי מעי נתנאל ויהודה חנני בכלי־שיר דויד איש האלהים ועזרא הסופר לפניהם׃
(BHSCO) Nehemiah 12 : 37 ועל שער העין ונגדם עלו על־מעלות עיר דויד במעלה לחומה מעל לבית דויד ועד שער המים מזרח׃
(BHSCO) Nehemiah 12 : 38 והתודה השנית ההולכת למואל ואני אחריה וחצי העם מעל להחומה מעל למגדל התנורים ועד החומה הרחבה׃
(BHSCO) Nehemiah 12 : 39 ומעל לשער־אפרים ועל־שער הישנה ועל־שער הדגים ומגדל חננאל ומגדל המאה ועד שער הצאן ועמדו בשער המטרה׃
(BHSCO) Nehemiah 12 : 40 ותעמדנה שתי התודת בבית האלהים ואני וחצי הסגנים עמי׃
(BHSCO) Nehemiah 12 : 41 והכהנים אליקים מעשיה מנימין מיכיה אליועיני זכריה חנניה בחצצרות׃
(BHSCO) Nehemiah 12 : 42 ומעשיה ושמעיה ואלעזר ועזי ויהוחןן ומלכיה ועילם ועזר וישמיעו המשררים ויזרחיה הפקיד׃
(BHSCO) Nehemiah 12 : 43 ויזבחו ביום־ההוא זבחים גדולים וישמחו כי האלהים שמחם שמחה גדולה וגם הנשים והילדים שמחו ותשמע שמחת ירושלם מרחוק׃
(BHSCO) Nehemiah 12 : 44 ויפקדו ביום ההוא אנשים על־הנשכות לאוצרות לתרומות לראשית ולמעשרות לכנוס בהם לשדי הערים מנאות התורה לכהנים וללוים כי שמחת יהודה על־הכהנים ועל־הלוים העמדים׃
(BHSCO) Nehemiah 12 : 45 וישמרו משמרת אלהיהם ומשמרת הטהרה והמשררים והשערים כמצות דויד שלמה בנו׃
(BHSCO) Nehemiah 12 : 46 כי־בימי דויד ואסף מקדם [כ ראש] [ק ראשי] המשררים ושיר־תהלה והדות לאלהים׃
(BHSCO) Nehemiah 12 : 47 וכל־ישראל בימי זרבבל ובימי נחמיה נתנים מניות המשררים והשערים דבר־יום ביומו ומקדשים ללוים והלוים מקדשים לבני אהרן׃ ף