(BHSCO) Numbers 34 : 1 וידבר יהוה אל־משה לאמר׃
(BHSCO) Numbers 34 : 2 צו את־בני ישראל ואמרת אלהם כי־אתם באים אל־הארץ כנען זאת הארץ אשר תפל לכם בנחלה ארץ כנען לגבלתיה׃
(BHSCO) Numbers 34 : 3 והיה לכם פאת־נגב ממדבר־צן על־ידי אדום והיה לכם גבול נגב מקצה ים־המלח קדמה׃
(BHSCO) Numbers 34 : 4 ונסב לכם הגבול מנגב למעלה עקרבים ועבר צנה [כ והיה] [ק והיו] תוצאתיו מנגב לקדש ברנע ויצא חצר־אדר ועבר עצמנה׃
(BHSCO) Numbers 34 : 5 ונסב הגבול מעצמון נחלה מצרים והיו תוצאתיו הימה׃
(BHSCO) Numbers 34 : 6 וגבול ים והיה לכם הים הגדול וגבול זה־יהיה לכם גבול ים׃
(BHSCO) Numbers 34 : 7 וזה־יהיה לכם גבול צפון מן־הים הגדל תתאו לכם הר ההר׃
(BHSCO) Numbers 34 : 8 מהר ההר תתאו לבא חמת והיו תוצאת הגבל צדדה׃
(BHSCO) Numbers 34 : 9 ויצא הגבל זפרנה והיו תוצאתיו חצר עיןן זה־יהיה לכם גבול צפון׃
(BHSCO) Numbers 34 : 10 והתאויתם לכם לגבול קדמה מחצר עיןן שפמה׃
(BHSCO) Numbers 34 : 11 וירד הגבל משפם הרבלה מקדם לעין וירד הגבול ומחה על־כתף ים־כנרת קדמה׃
(BHSCO) Numbers 34 : 12 וירד הגבול הירדנה והיו תוצאתיו ים המלח זאת תהיה לכם הארץ לגבלתיה סביב׃
(BHSCO) Numbers 34 : 13 ויצו משה את־בני ישראל לאמר זאת הארץ אשר תתנחלו אתה בגורל אשר צוה יהוה לתת לתשעת המטות וחצי המטה׃
(BHSCO) Numbers 34 : 14 כי לקחו מטה בני הראובני לבית אבתם ומטה בני־הגדי לבית אבתם וחצי מטה מנשה לקחו נחלתם׃
(BHSCO) Numbers 34 : 15 שני המטות וחצי המטה לקחו נחלתם מעבר לירדן ירחו קדמה מזרחה׃ ף
(BHSCO) Numbers 34 : 16 וידבר יהוה אל־משה לאמר׃
(BHSCO) Numbers 34 : 17 אלה שמות האנשים אשר־ינחלו לכם את־הארץ אלעזר הכהן ויהושע בן־נון׃
(BHSCO) Numbers 34 : 18 ונשיא אחד נשיא אחד ממטה תקחו לנחל את־הארץ׃
(BHSCO) Numbers 34 : 19 ואלה שמות האנשים למטה יהודה כלב בן־יפנה׃
(BHSCO) Numbers 34 : 20 ולמטה בני שמעון שמואל בן־עמיהוד׃
(BHSCO) Numbers 34 : 21 למטה בנימן אלידד בן־כסלון׃
(BHSCO) Numbers 34 : 22 ולמטה בני־דן נשיא בקי בן־יגלי׃
(BHSCO) Numbers 34 : 23 לבני יוסף למטה בני־מנשה נשיא חניאל בן־אפד׃
(BHSCO) Numbers 34 : 24 ולמטה בני־אפרים נשיא קמואל בן־שפטן׃
(BHSCO) Numbers 34 : 25 ולמטה בני־זבולן נשיא אליצפן בן־פרנך׃
(BHSCO) Numbers 34 : 26 ולמטה בני־יששכר נשיא פלטיאל בן־עזן׃
(BHSCO) Numbers 34 : 27 ולמטה בני־אשר נשיא אחיהוד בן־שלמי׃
(BHSCO) Numbers 34 : 28 ולמטה בני־נפתלי נשיא פדהאל בן־עמיהוד׃
(BHSCO) Numbers 34 : 29 אלה אשר צוה יהוה לנחל את־בני־ישראל בארץ כנען׃ ף