(BHSCO) Psalms 10 : 1 למה יהוה תעמד ברחוק תעלים לעתות בצרה׃
(BHSCO) Psalms 10 : 2 בגאות רשע ידלק עני יתפשו במזמות זו חשבו׃
(BHSCO) Psalms 10 : 3 כי־הלל רשע על־תאות נפשו ובצע ברך נאץ יהוה׃
(BHSCO) Psalms 10 : 4 רשע כגבה אפו בל־ידרש אין אלהים כל־מזמותיו׃
(BHSCO) Psalms 10 : 5 יחילו [כ דרכו] [ק דרכיו] בכל־עת מרום משפטיך מנגדו כל־צורריו יפיח בהם׃
(BHSCO) Psalms 10 : 6 אמר בלבו בל־אמוט לדר ודר אשר לא־ברע׃
(BHSCO) Psalms 10 : 7 אלה פיהו מלא ומרמות ותך תחת לשונו עמל ואון׃
(BHSCO) Psalms 10 : 8 ישב במארב חצרים במסתרים יהרג נקי עיניו לחלכה יצפנו׃
(BHSCO) Psalms 10 : 9 יארב במסתר כאריה בסכה יארב לחטוף עני יחטף עני במשכו ברשתו׃
(BHSCO) Psalms 10 : 10 [כ ודכה] [ק ידכה] ישח ונפל בעצומיו [כ חלכאים] [ק חיל] [ק כאים]׃
(BHSCO) Psalms 10 : 11 אמר בלבו שכח* אל הסתיר פניו בל־ראה לנצח׃
(BHSCO) Psalms 10 : 12 קומה יהוה אל נשא ידך אל־תשכח [כ עניים] [ק ענוים]׃
(BHSCO) Psalms 10 : 13 על־מה נאץ רשע אלהים אמר בלבו לא תדרש׃
(BHSCO) Psalms 10 : 14 ראתה כי־אתה עמל וכעס תביט לתת בידך עליך יעזב חלכה יתום אתה היית עוזר׃
(BHSCO) Psalms 10 : 15 שבר זרוע רשע ורע תדרוש־רשעו* בל־תמצא׃
(BHSCO) Psalms 10 : 16 יהוה מלך עולם ועד אבדו גוים מארצו׃
(BHSCO) Psalms 10 : 17 תאות ענוים שמעת יהוה תכין לבם תקשיב אזנך׃
(BHSCO) Psalms 10 : 18 לשפט יתום ודך בל־יוסיף עוד לערץ אנוש מן־הארץ׃