(BHSCO) Psalms 99 : 1 יהוה מלך ירגזו עמים ישב כרובים תנוט הארץ׃
(BHSCO) Psalms 99 : 2 יהוה בציון גדול ורם הוא על־כל־העמים׃
(BHSCO) Psalms 99 : 3 יודו שמך גדול ונורא קדוש הוא׃
(BHSCO) Psalms 99 : 4 ועז מלך משפט אהב אתה כוננת מישרים משפט וצדקה ביעקב אתה עשית׃
(BHSCO) Psalms 99 : 5 רוממו יהוה אלהינו והשתחוו להדם רגליו קדוש הוא׃
(BHSCO) Psalms 99 : 6 משה ואהרן בכהניו ושמואל בקראי שמו קראים אל־יהוה והוא יענם׃
(BHSCO) Psalms 99 : 7 בעמוד עןן ידבר אליהם שמרו עדתיו וחק נתן־למו׃
(BHSCO) Psalms 99 : 8 יהוה אלהינו אתה עניתם אל נשא היית להם ונקם על־עלילותם׃
(BHSCO) Psalms 99 : 9 רוממו יהוה אלהינו והשתחוו להר קדשו כי־קדוש יהוה אלהינו׃