(BHSCO) Psalms 45 : 1 למנצח על־ששנים לבני־קרח משכיל שיר ידידת׃ רחש לבי דבר טוב אמר אני מעשי למלך לשוני עט סופר מהיר׃
(BHSCO) Psalms 45 : 2 יפיפית מבני אדם הוצק חן בשפתותיך על־כן ברךך אלהים לעולם׃
(BHSCO) Psalms 45 : 3 חגור־חרבך על־ירך גבור הודך והדרך׃
(BHSCO) Psalms 45 : 4 והדרכ* צלח רכב על־דבר־אמת וענוה־צדק ותורך נוראות ימינך׃
(BHSCO) Psalms 45 : 5 חציך שנונים עמים תחתיך יפלו בלב אויבי המלך׃
(BHSCO) Psalms 45 : 6 כסאך אלהים עולם ועד שבט מישר שבט מלכותך׃
(BHSCO) Psalms 45 : 7 אהבת צדק ותשנא רשע על־כן משחך אלהים אלהיך שמן ששון מחבריך׃
(BHSCO) Psalms 45 : 8 מר־ואהלות קציעות כל־בגדתיך מן־היכלי שן מני שמחוך׃
(BHSCO) Psalms 45 : 9 בנות מלכים ביקרותיך נצבה שגל לימינך בכתם אופיר׃
(BHSCO) Psalms 45 : 10 שמעי־בת וראי והטי אזנך ושכחי עמך ובית אביך׃
(BHSCO) Psalms 45 : 11 ויתאו המלך יפיך כי־הוא אדניך והשתחוי־לו׃
(BHSCO) Psalms 45 : 12 ובת־צר במנחה פניך יחלו עשירי עם׃
(BHSCO) Psalms 45 : 13 כל־כבודה בת־מלך פנימה ממשבצות זהב לבושה׃
(BHSCO) Psalms 45 : 14 לרקמות תובל למלך בתולות אחריה רעותיה מובאות לך׃
(BHSCO) Psalms 45 : 15 תובלנה בשמחת וגיל תבאינה בהיכל מלך׃
(BHSCO) Psalms 45 : 16 תחת אבתיך יהיו בניך תשיתמו לשרים בכל־הארץ׃
(BHSCO) Psalms 45 : 17 אזכירה שמך בכל־דר ודר על־כן עמים יהודך לעלם ועד׃