(BHSCO) Psalms 142 : 1 משכיל לדוד בהיותו במערה תפלה׃ קולי אל־יהוה אזעק קולי אל־יהוה אתחןן׃
(BHSCO) Psalms 142 : 2 אשפך לפניו שיחי צרתי לפניו אגיד׃
(BHSCO) Psalms 142 : 3 בהתעטף עלי רוחי ואתה ידעת נתיבתי בארח־זו אהלך טמנו פח לי׃
(BHSCO) Psalms 142 : 4 הביט ימין וראה ואין־לי מכיר אבד מנוס ממני אין דורש לנפשי׃
(BHSCO) Psalms 142 : 5 זעקתי אליך יהוה אמרתי אתה מחסי חלקי בארץ החיים׃
(BHSCO) Psalms 142 : 6 הקשיבה אל־רנתי כי־דלותי מאד הצילני מרדפי כי אמצו ממני׃
(BHSCO) Psalms 142 : 7 הוציאה ממסגר נפשי להודות את־שמך בי יכתרו צדיקים כי תגמל עלי׃