(BHSCO) Psalms 148 : 1 הללו יה הללו את־יהוה מן־השמים הללוהו במרומים׃
(BHSCO) Psalms 148 : 2 הללוהו כל־מלאכיו הללוהו כל־[כ צבאו] [ק צבאיו]׃
(BHSCO) Psalms 148 : 3 הללוהו שמש וירח הללוהו כל־כוכבי אור׃
(BHSCO) Psalms 148 : 4 הללוהו שמי השמים והמים אשר מעל השמים׃
(BHSCO) Psalms 148 : 5 יהללו את־שם יהוה כי הוא צוה ונבראו׃
(BHSCO) Psalms 148 : 6 ויעמידם לעד לעולם חק־נתן ולא יעבור׃
(BHSCO) Psalms 148 : 7 הללו את־יהוה מן־הארץ תנינים וכל־תהמות׃
(BHSCO) Psalms 148 : 8 אש וברד שלג וקיטור רוח סערה עשה דברו׃
(BHSCO) Psalms 148 : 9 ההרים וכל־גבעות עץ פרי וכל־ארזים׃
(BHSCO) Psalms 148 : 10 החיה וכל־בהמה רמש וצפור כנף׃
(BHSCO) Psalms 148 : 11 מלכי־ארץ וכל־לאמים שרים וכל־שפטי ארץ׃
(BHSCO) Psalms 148 : 12 בחורים וגם־בתולות זקנים עם־נערים׃
(BHSCO) Psalms 148 : 13 יהללו את־שם יהוה כי־נשגב שמו לבדו הודו על־ארץ ושמים׃
(BHSCO) Psalms 148 : 14 וירם קרן לעמו תהלה לכל־חסידיו לבני ישראל עם־קרבו הללו־יה׃