BHSCO - Ps 9

(BHSCO) Psalms 9 : 1 למנצח עלמות לבן מזמור לדוד׃ אודה יהוה בכל־לבי אספרה כל־נפלאותיך׃

(BHSCO) Psalms 9 : 2 אשמחה ואעלצה בך אזמרה שמך עליון׃

(BHSCO) Psalms 9 : 3 בשוב־אויבי אחור יכשלו ויאבדו מפניך׃

(BHSCO) Psalms 9 : 4 כי־עשית משפטי ודיני ישבת לכסא שופט צדק׃

(BHSCO) Psalms 9 : 5 גערת גוים אבדת רשע שםם מחית לעולם ועד׃

(BHSCO) Psalms 9 : 6 האויב תמו חרבות לנצח וערים נתשת אבד זכרם המה׃

(BHSCO) Psalms 9 : 7 ויהוה לעולם ישב כוןן למשפט כסאו׃

(BHSCO) Psalms 9 : 8 והוא ישפט־תבל בצדק ידין לאמים במישרים׃

(BHSCO) Psalms 9 : 9 ויהי יהוה משגב לדך משגב לעתות בצרה׃

(BHSCO) Psalms 9 : 10 ויבטחו בך יודעי שמך כי לא־עזבת דרשיך יהוה׃

(BHSCO) Psalms 9 : 11 זמרו ליהוה ישב ציון הגידו בעמים עלילותיו׃

(BHSCO) Psalms 9 : 12 כי־דרש דמים אותם זכר לא־שכח צעקת [כ עניים] [ק ענוים]׃

(BHSCO) Psalms 9 : 13 חננני יהוה ראה עניי משנאי מרוממי משערי מות׃

(BHSCO) Psalms 9 : 14 למען אספרה כל־תהלתיך בשערי בת־ציון אגילה בישועתך׃

(BHSCO) Psalms 9 : 15 טבעו גוים בשחת עשו ברשת־זו טמנו נלכדה רגלם׃

(BHSCO) Psalms 9 : 16 נודע יהוה משפט עשה בפעל כפיו נוקש רשע הגיון סלה׃

(BHSCO) Psalms 9 : 17 ישובו רשעים לשאולה כל־גוים שכחי אלהים׃

(BHSCO) Psalms 9 : 18 כי לא לנצח ישכח אביון תקות [כ ענוים] [ק עניים] תאבד לעד׃

(BHSCO) Psalms 9 : 19 קומה יהוה אל־יעז אנוש ישפטו גוים על־פניך׃

(BHSCO) Psalms 9 : 20 שיתה יהוה מורה להם ידעו גוים אנוש המה סלה׃