(BHSCO) Psalms 77 : 1 למנצח על־[כ ידיתון] [ק ידותון] לאסף מזמור׃ קולי אל־אלהים ואצעקה קולי אל־אלהים והאזין אלי׃
(BHSCO) Psalms 77 : 2 ביום צרתי אדני דרשתי ידי לילה נגרה ולא תפוג מאנה הנחם נפשי׃
(BHSCO) Psalms 77 : 3 אזכרה אלהים ואהמיה אשיחה ותתעטף רוחי סלה׃
(BHSCO) Psalms 77 : 4 אחזת שמרות עיני נפעמתי ולא אדבר׃
(BHSCO) Psalms 77 : 5 חשבתי ימים מקדם שנות עולמים׃
(BHSCO) Psalms 77 : 6 אזכרה נגינתי בלילה עם־לבבי אשיחה ויחפש רוחי׃
(BHSCO) Psalms 77 : 7 הלעולמים יזנח אדני ולא־יסיף לרצות עוד׃
(BHSCO) Psalms 77 : 8 האפס לנצח חסדו גמר אמר לדר ודר׃
(BHSCO) Psalms 77 : 9 השכח חנות אל אם־קפץ באף רחמיו סלה׃
(BHSCO) Psalms 77 : 10 ואמר חלותי היא שנות ימין עליון׃
(BHSCO) Psalms 77 : 11 [כ אזכיר] [ק אזכור] מעללי־יה כי־אזכרה מקדם פלאך׃
(BHSCO) Psalms 77 : 12 והגיתי בכל־פעלך ובעלילותיך אשיחה׃
(BHSCO) Psalms 77 : 13 אלהים בקדש דרךך מי־אל גדול כאלהים׃
(BHSCO) Psalms 77 : 14 אתה האל עשה פלא הודעת בעמים עזך׃
(BHSCO) Psalms 77 : 15 גאלת בזרוע עמך בני־יעקב ויוסף סלה׃
(BHSCO) Psalms 77 : 16 ראוך מים אלהים ראוך מים יחילו אף ירגזו תהמות׃
(BHSCO) Psalms 77 : 17 זרמו מים עבות קול נתנו שחקים אף־חצציך יתהלכו׃
(BHSCO) Psalms 77 : 18 קול רעמכ* בגלגל האירו ברקים תבל רגזה ותרעש הארץ׃
(BHSCO) Psalms 77 : 19 בים דרךך [כ ושביליך] [ק ושבילך] במים רבים ועקבותיך לא נדעו׃
(BHSCO) Psalms 77 : 20 נחית כצאן עמך ביד־משה ואהרן׃