(BHSCO) Psalms 113 : 1 הללו יה הללו עבדי יהוה הללו את־שם יהוה׃
(BHSCO) Psalms 113 : 2 יהי שם יהוה מברך מעתה ועד־עולם׃
(BHSCO) Psalms 113 : 3 ממזרח־שמש עד־מבואו מהלל שם יהוה׃
(BHSCO) Psalms 113 : 4 רם על־כל־גוים יהוה על השמים כבודו׃
(BHSCO) Psalms 113 : 5 מי כיהוה אלהינו המגביהי לשבת׃
(BHSCO) Psalms 113 : 6 המשפילי לראות בשמים ובארץ׃
(BHSCO) Psalms 113 : 7 מקימי מעפר דל מאשפת ירים אביון׃
(BHSCO) Psalms 113 : 8 להושיבי עם־נדיבים עם נדיבי עמו׃
(BHSCO) Psalms 113 : 9 מושיבי עקרת הבית אם־הבנים שמחה הללו־יה׃